________________
प्रमैयर्चान्द्रका टीका श० १५ उ० १ सू० ५ गोशालकवृत्तान्तनिरूपणम् ५११ मुणिए जाव जुया सेजायरए। तए णं से वेसियायणे बालतकस्ली गोसालेणं मखलिपुत्तेणं दोच्चंपि, तच्चपि एवं वुत्ते समाणे आसुरत्ते जाव मिसिमिसेमाणे आयावणभूमीओ पच्चोरुभइ पच्चोरुभित्ता, तेयासमुग्धाएणं समोहन्नइ, समोहन्नित्ता सत्तकृपयाई पच्चोसकइ, पच्चोसकित्ता गोसालस्स मंखलिपुत्तस्स वहाए सरीरगंसि तेयं निसिग्इ, तए णं अहं गोयमा! गोसालस्स मंखलिपुत्तस्स अणुकंपणटुयाए वेसियायणस्स बालतवस्सिस्स तेयपडिसाहरणट्टयाए एत्थ णं अंतरा अहं सीयलियं तेयलेस्सं निसिरामि, जाए सा ममं सीयलियाए तेयलेस्साए वेसियायणस्स बालतवस्सिस्स साउसिणा तेयलेस्सा पडिहया। तए णं से वेसियायणे बालतवस्ती मम सीयलियाए तेयलेस्साए तं उसिणं तेयलेस्सं पडिहयं जाणित्ता गोसालस्स मंखलिपुत्तस्स सरीरगस्स कांचे आवाहं वा वाबाई वा, छविच्छेदं वा अकीरमाणं पासित्ता तं उसिणं तेयलेस्सं पडिसाहरइ, पडिसाहरेत्ता, ममं एवं वयासीसे गयमेयं भगवं!। तए णं गोसाले मंखलिपुत्ते ममं एवं वयासी-किण्हं भंते! एस जुयासिज्जायरए तुम्भे एवं वयासीसे गयमेयं भगवं! गयमेयं भगवं! तए णं अहं गोयमा! गोसालं मंखलिपुत्तं एवं क्याप्सी-तुम णं गोसाला! वेसियायणं बालतवस्सिं पाससि, पासित्ता मम अंतियाओ तुसिणियं तुसिणियं पच्चोसकसि, पच्चोसक्कित्ता जेणेव वेसियायणे बालतवस्सी तेणेव उवागच्छसि, उवागच्छित्ता वेसियायणं बालतवस्सि
શ્રી ભગવતી સૂત્ર: ૧૧
