________________
भगवतीस्त्रे नगरस्स य अंतरा एत्थ णं महं एगे तिलथंभए पत्तिए, पुफ्फिए हरियगरोरज्जमाणे सिरिए, अईव अईव उवसोभेमाणे उवसोभेमाणे चिट्टइ। तए णं गोसाले मंखलिपुत्ते तं तिलथंभगं पासइ, पासित्ता ममं वंदइ, नमसइ, वंदित्ता नमसित्ता एवं वयासी-एस गंभंते! तिलथंभए किं निफ्फजिस्सइ, नो निफ्फजिस्सइ ? एए य सत्त तिलपुप्फजीवा उदाइत्ता कहिं गच्छिहिंति, कहिं उववजिहिंति ?। तए णं अहं गोयमा ! गोसालं मंखलिपुत्तं एवं वयासीगोसाला! एसणं तिलथंभए निप्फजिस्सइ, नोन निष्फजिस्सइ, एए य सत्त तिलपुफ्फजीवा उदाइत्ता उदाइत्ता एयस्स चेव तिलथंभगस्त एगाए तिलसंगुलियाए सत्त तिला पञ्चायाइस्संति, तए णं से गोसाले मंखलिपुत्ते ममं एवं आइक्खमाणस्स एयमद्रं नो सदहइ, नो पत्तियइ, नो रोएइ, एयमé असदहमाणे, अपत्तियमाणे, अरोएमाणे ममं पणिहाए अयं णं मिच्छावाई भवउ तिकट्ठ ममं अंतियाओ सणियं सणियं पच्चोसकाइ, पच्चोसकित्ता जेणेव से तिलथंभए तेणेव उवागच्छइ, उवागच्छित्ता तं तिलथंभगं सलेड्डयायं चेत्र उप्पाडेइ, उप्पाडेत्ता, एगंते एडेइ, तक्खामेत्तं च णं गोयमा! दिव्वे अभवद्दलए पाउब्भूए, तए णं से दिव्वे अब्भवदलए खिप्पामेव पतणतणाएइ, पतणतणाएत्ता, खिप्पामेव पविज्जुयाइ, पविज्जुयेत्ता, खिप्पामेव नच्चोदगं णातिमट्टियं पविरलपप्फुसियं रयरेणुविणासणं दिव्वं सलिलोदगं वासं वासइ, जे णं से तिलथंभए
શ્રી ભગવતી સૂત્ર: ૧૧
