________________
४७०
भगवतीसूत्रे गोयमा! तच्चमासक्खमणपारणगंसि तंतुवायसालाओ पडिनिक्खमामि, पडिनिक्खमित्ता तहेव जाव अडमाणे सुणंदस्स गाहावइस्स गिहं अणुप्पवितु। तए णं से सुणंदे गाहावई, एवं जहेव विजयगाहावई, नवरं ममं सव्वं कामगुणिएणं भोयणे णं पडिलाभेइ, सेसं तं चेव जाव चउत्थं मासक्खमणं उवसंपजित्ताणं विहरामि, तीसे णं नालंदाए बाहिरियाए अदूरसामंते एत्थ णं कोल्लाए नामं सन्निवेसे होत्था, संनिवेसवण्णओ। तत्थ णं कोल्लाए संनिवेसे बहुले नामं माहणे परिवसइ, अड्डे जाव अपरिभूए रिउव्वेय जाव सुपरिणिटिए यावि होत्था, तए णं से बहुले माहणे कत्तियचाउम्मासियं पाडिवगंसि विउलेणं महुघयसंजुत्तेणं परमण्णेणं माहणे आयामेत्था, तए णं अहं गोयमा! चउत्थमासक्खमणपारणगंसि तंतुवायसालाओ पडिणिक्खमामि, पडिणिक्खमित्ता णालंदं बाहिरियं मझंमझेणं णिग्गच्छामि, णिग्गच्छित्ता, जेणेव कोल्लाए संनिवेसे तेणेव उवागच्छामि, उवागच्छित्ता कोल्लाए सन्निवेसे उच्चनीयमज्झिमाई कुलाइं जाव अडमाणस्त बहुलस्स माहणस्स गिहं अणुप्पवितु। तएणं से बहुले माहणे ममं एजमाणं तहेव जाव ममं विउलेणं महुघयसंजुत्ते णं परमण्णेणं पडिलाभेस्सामीति तुट्टे सेसं जहा विजयस्त जाव बहुले माहणे बहुले माहणे।तएणं से गोसाले मंखलिपुत्ते ममं तंतुवायसालाए अप्पासमाणे रायगिहे नयरे सभितरबाहिरियाए ममं सवओ समंता मग्गणगवेसणं
શ્રી ભગવતી સૂત્ર: ૧૧
