________________
प्रमैयचन्द्रिका टीका श० १५ उ० १ सू० ३ गोशालकवृत्तान्तनिरूपणम् ४६७ रायगिहे नयरे जेणेव नालिंदा बाहिरिया जेणेव तंतुवायसाला तेणेव उवागच्छामि, उवागच्छित्ता अहा पडिरूवं उग्गहं ओगिहित्ता तंतुवायसालाए एगदेसंसि वासावासं उवागए। तए णं अहं गोयमा! पढमं मासखमणं उवसंपज्जित्ताणं विहरामि। तए णं से गोसाले मंखलिपुत्ते चित्तफलगहत्थगए मंखत्तणेणं अप्पाणं भावमाणे पुवाणुपुत्विं चरमाणे जाव दूइज्जमाणे जेणेव रायगिहे नयरे जेणेव नालिंदा बाहिरिया जेणेव तंतुवायसाला तेणेव उवागच्छइ, उवागच्छित्ता तंतुवायसालाए एगदेसंसि भंडनिक्खेवं करेइ, करित्ता, रायगिहे नयरे उच्चनीय जाव अन्नत्थकत्थ वि वसहिं अलभमाणे तीसे य तंतुवायसालाए एगदेसंसि वासावसं उवागए, जत्थेव णं अहं गोयमा! तएणं अहं गोयमा! पढममासक्खमणपारणगंसि तंतुवायसालाओ पडिणिक्खमामि, पडिणिक्खमित्ता णालंदा बाहिरियं मझं मज्झेणं जेणेव रायगिहे नयरे तेणेव उवागच्छामि। उवागच्छित्ता रायगिहे नयरे उच्चनीय जाव अडमाणे विजयस्स गाहावइस्स गिहं अणुपविटे! तएणं से विजए गहावई ममं एजमाणं पासइ, पासित्ता हतुट्ट० खिप्पामेव आसणाओ अब्भुढेइ, अब्भुट्टित्ता पायपी. ढाओ पच्चोरुहित्ता पाउयाओ ओमुयइ, ओमुइत्ता एगसाडियं उत्तरासंगं करेइ, अंजलिमउलियहत्थे ममं सत्तकृपयाइं अणुगच्छइ, अणुगच्छित्ता ममं तिक्खुत्तो आयाहिणपयाहिणं करेइ, करिता ममं वंदइ, नमसइ, वंदित्ता, नमंसित्ता ममं विउलेणं असण
શ્રી ભગવતી સૂત્ર : ૧૧
