________________
प्रमैयचन्द्रिका टीका श० १५ उ०१ सू० २ गोशालकवृत्तान्तनिरूपणम् ४५१
गोशालनामवक्तव्यता। मूलम्-"तए णं सावत्थीए नयरीए सिंघाडग जाव पहेसु बहुजणो अन्नमन्नस्स एवमाइक्खइ जाव एवं परूवेइ-एवं खलु देवाणुप्पिया! गोसाले मंखलिपुत्ते जिणे जिणप्पलावी जाव पगासेमाणे विहरइ, से कहमेयं मन्ने एवं ?। तेणं कालेणं तेणं समएणं सामी समोसढे जाव परिसा पडिगया। तेणं कालेणं, तेणं समएणं समणस्त भगवओ महावीरस्स जेहे अंतेवासी इंदभूई णामं अणगारे गोयमगोत्तेणं जाव छटुं छट्टेणं, एवं जहा बितियसए नियंठुद्देसए जाव अडमाणे बहुजणसदं निसामेइ, बहुजणो अन्नमन्नस्त एवमाइक्खइ जाव परूवेइ, एवं खलु देवाणुप्पिया! गोसाले मंखलिपुत्ते जिणे जिणप्पलावी जाव पगासेमाणे विहरइ, से कहमेयं मन्ने एवं ?। तए णं भगवं गोयमे बहुजणस्स अंतियं एयमद्रं सोचा निसम्म जाव जायसड्डे जाव भत्तपाणं पडिदंसेइ, जाव पज्जुवासमाणे एवं वयासी-एवं खलु अहं भते! तं चेव जाव जिणसदं पगासेमाणे विहरइ, से कहमेयं मन्ने एवं?, तं इच्छामि णं भंते ! गोसालस्स मंखलिपुत्तस्स उट्टाणपरियाणियं परिकहेडं, गोयमाइ समणे भगवं महावीरे भगवं गोयमं एवं वयासी-जं गं' से बहुजणे अन्नमन्नस्स एवमाइक्खइ-जाव परूवेइ-एवं खल्लु गोसाले मंखलिपुत्ते जिणे जिणप्पलावी जाव पगासेमाणे विहरइ, तं णं मिच्छा, अहंपुण गोयमा! एवमाइक्खामि जाव
શ્રી ભગવતી સૂત્ર : ૧૧
