________________
प्रमेयचन्द्रिका टीका श० १३ उ० २ सू० १ देवविशेषनिरूपणम् ५१९ असंखेज्जवित्थडा? गोयमा! संखेजवित्थडा वि, असंखेज्जवित्थडा वि, एवं संखेज्जवित्थडेसु तिन्नि गमगा जहा सहस्सारे असंखेज्जवित्थडेसु विमाणेमु०, उववज्जतेस य, चयंतेसु य, एवं चेव संखेज्जा भाणियव्वा, पण्णत्तेसु, असंखेज्जा नवरं नोइंदियोवउत्ता, अणंतरोववन्नगा,अणंतरोवगाढगा, अणंतराहारगा, अणंतरपज्जत्तगा य एएसिं जहण्णेणं एको वा, दो ग, तिन्नि वा, उक्कोसेणं संखेज्जा पण्णत्ता, सेसा असंखेज्जा भाणियलवा, आरणच्चुएसु एवं चेव, जहा आणयपाणएसु, नाणत्तं विमाणेसु एवं गेवेज्जगा वि, कइ णं भंते! अणुत्तरविमाणा पण्णत्ता ? गोयमा! पंच अणुत्तरविमाणा पण्णत्ता, ते णं भंते ! किं सखेज्जवित्थडा, असंखेज्जविस्थडा? गोयमा! संखेज्जवित्थडेय, असंखेज्जवित्थडा य, पंचसु णं भंते! अणुत्तरविमाणेसु संखेज्जविस्थडे विमाणे एगसमएणं केवइया अणुत्तरोववाइया देवा उववज्जति? केवइया सुक्कलेस्सा उववज्जति? पुच्छा, तहेव,गोयमा! पंचसु णं अणुत्तरविमाणेसु संखेन्जवित्थडे अणुत्तरविमाणे एगसमएणं जहणेणं एको वा, दो वा, तिन्नि वा, उक्कोसेणं अणुत्तरोववाइया देवा उववज्जंति, एवं जहा गेवेज्जविमाणेसु संखेज्जवित्थडेसु, नवरं किण्हपक्खिया अभवसिद्धिया तिसु अन्नाणेसु एए न उववज्जति, न चयंति, न पण्णत्तएसु भाणियव्वा, अचरिमा वि खोडिज्जति जावसंखेज्जा चरिमा पण्णत्ता, सेसं तं चेव, असंखेज्जवित्थडेसु वि एए ण भण्णंति, नवरं अचरिमा अस्थि, सेसं जहा गेवेज्जएसु असंखेज्जवित्थडेसु जाव
શ્રી ભગવતી સૂત્ર : ૧૦
