________________
भगवतीसूत्रे
५१८
ते णं भंते! किं संखेज्जवित्थडा, असंखेज्जवित्थडा ? एवं जहा वाणमंतराणं तहा जोइसियाण वि, तिन्नि गमगा भाणियव्वा नवरं एगा तेउलेस्सा, उववजंतेसु पण्णत्तेसु य असन्नी नत्थि, सेसं तं चेव, सोहम्मे णं भंते! कप्पे केवइया विमाणावाससयसहस्सा पण्णत्ता ? गोयमा ! बत्तीसं विमाणावास सय सहस्मा पण्णत्ता, ते णं भंते! किं संखेज्जवित्थडा, असंखेज्जवित्थडा ? गोयमा ! संखेज्जवित्थडा वि, असंखेज्जवित्थडा वि, सोहम्मे णं भंते! कप्पे बत्तीसार विमाणावाससयस हस्सेसु संखेज्ज वित्थडेसु विमाणेसु एगसमएणं केवइया सोहम्मा देवा उववज्जंति ? केवइया तेउलेस्सा उववज्जंति ? एवं जहा जोइसियाणं तिन्निगमगा तहेव तिन्नि गमगा भाणियव्वा, नवरं तिसु वि संखेजा भागि. यव्वा ओहिनाणी, ओहिंदंसणी य चवावेयव्वा, सेसं तं चैव, असंखेजवित्थडेसु एवं वेव तिन्नि गमगा, णवरं तिसु वि गमएसु असंखेज्जा भाणियव्वा, ओहिनाणी य, ओहिदंसणी य संखेज्जा चयंति, सेसं तं चैव, एवं जहा सोहम्मे वत्तव्यया भणिया तहा ईसाणे वि छ गमगा भाणियवा, सर्णकुमारे एवं वेव, नवरं इत्थीवेयगा न उववज्जंति, पण्णत्तेसु य न भणति, असन्नी तिसु विगमासु न भवति, सेसं तं चेव, एवं जाव सहस्सारे, नाणत्तं विमाणेसु लेस्सासु य, सेसं तं चेव, आणयपाणयेसु णं भंते ! कप्पे केवइया विमाणावाससया पण्णत्ता ? गोयमा ! चत्तारि विमाणावाससया पण्णत्ता, से णं भंते! किं संखेज्जवित्थडा,
શ્રી ભગવતી સૂત્ર : ૧૦
