________________
-
૨૦૨
भगवतीसूत्रे चंदं गेण्हइ, एवं खलु राहू चंदं गेण्हइ, से कहमेयं भंते ! एवं? गोयमा! जणं से बहुजणेणं अन्नमन्नस्स जाव, मिच्छंते एवमाहंसु, अहं पुण गोयमा! एवमाइक्खामि जाव एवं परूवेमिएवं खल्लु राहू देवे महिडिए जाव महासोक्खे, वरवत्थधरे, वरमल्लधरे, वरगंधधरे, वराभरणधारी। राहुस्स णं देवस्स नव नामधेजा पण्णत्ता, तं जहा-सिंघाडएर, जडिलए२, खंभए३, खरए४, ददुरे५, मगरे६, मच्छे७, कच्छभेद, कण्हसप्पे९ । राहुस्स णं देवस्स विमाणा पंचवण्णा पण्णत्ता, तं जहा-किण्हा, नीला, लोहिया, हालिद्दा, सुकिल्ला, अस्थिकालए राहुविमाणे, खंजणवण्णाभे, पण्णत्ते। अस्थिनीलए राहु विमाणे लाउयचन्नाभे, पण्णते। अत्थिलोहिए राहुविमाणे मंजिट्टवण्णामे पण्णत्ते। अत्थि पीतए राहुविमाणे हालिद्दवण्णाभे पण्णत्ते। अत्थि सुकिल्लए राहुविमाणे भासरासिवन्नाभे पण्णत्ते। जयाणं राहू आगच्छमाणे वा, गच्छमाणे वा, विउव्वमाणे वा, परियारेमाणे वा, चंदलेस्सं पुरथिमेणं आवरेत्ताणं पञ्चस्थिमेणं वीईवयइ, तया णं पुरस्थिमेणं चंदे उवदंसेइ, पच्चत्थिमेणं राह। जया णं राहू आगच्छमाणे वा, गच्छमाणे वा, विउव्वमाणे वा परियारेमाणे वा, चंदलेस्सं, पञ्चस्थिमेणं आवरेत्ताणं पुरस्थिमेणं वीईवयइ, तया णं पञ्चत्थिमेणं चंदे उवदंसेइ, पुरपुरथिमेणं राहू। एवं जहा पुरस्थिमेणं पच्चत्थिमेणं दो आलावगा भणिया, तहा दाहिणेणं उत्तरेणय दो आलावगा भाणियब्वा। एवं उत्तरपुरस्थिमेण दाहिणपच्चस्थिमेण य,
શ્રી ભગવતી સૂત્ર : ૧૦