________________
प्रमेयचन्द्रिका टीका २० १२ १० १ २० २ शशधावकचरितनिरूपणम् ६६३ समणोवासिया पोक्खलं समणोवासगं एवं क्यासी-एवं खल देवाणुप्पिया! संखे समणोवासए पोसहसालाए पोसहिए बंभयारी जाव विहरइ । तएणं से पोक्खली समणोवासए जेणेव पोसहसाला, जेणेव संखे समणोवासए, तेणेव उवागच्छइ, उवागच्छित्ता, गमणागमणाए पडिक्कमइ, पडिक्कमित्ता, संखं समणोवासगं वंदइ, नमसइ, वंदित्ता, नमंसित्ता, एवं वयासी-एवं खलु देवाणुप्पिया! अम्हेहिं से विउले असणजाव साइमे उबक्खडाविए, तं गच्छामोणं देवाणुप्पिया तं विउलं असणं जाव साइमं आसाएमाणा जाव पडिजागरमाणा विहरामो। तए णं से संखे समणोवासए पोक्खलिंसमणोवासगं एवं वयासीणो खलु कप्पइ-देवाणुप्पिया ! तं विउलं असणं पाणं खाइमं साइमं आसाएमाणस्स जाव पडिजागरमाणस्स विहरिसए, कप्पइ मे पोसहसालाए पोसहियस्स जाव विहरित्तए, तं छंदेणं देवाणुप्पिया! तुब्भे तं विउलं असणं पाणं खाइमं साइमं आसाएमाणा जाव विहरह । तए णं से पोक्खली समणोवासए संखस्स समणोवासगस्स अंतियाओ पोसहसालाओ पडिनिक्खमइ, पडिनिक्खमित्ता सावस्थि नरि मज्झमज्झेणं जेणेव सवणो. वासगा तेणेव उवागच्छइ तेणेव उवागच्छित्ता ते समणो. वासए एवं वयासी-एवं खलु देवाणुप्पिया! संखे समणोवासए पोसहसालाए पोसहिए जाव विहरइ, तं छेदेणं देवाणुप्पिया! तुम्भे विउलं असणपाणखाइमसाइमे जाव विहरह, संखे णं समणोवासए नो हव्वमागच्छइ। तएणं ते समणोवासगा ते
શ્રી ભગવતી સૂત્ર : ૯