________________
भगवतीस्ने ब्बलस्स कुमारस्स तं महया जणसवा, जणवूहं वा, एवं जहा जमाली तहेव चिंता, तहेव कंचुइज्जपुरिसंसद्दावेइ, कंचुइज्जपुरिसो वि तहेव अक्खाइ, नवरं धम्मघोसस्स अणगारस्स आगमणगहियविणिच्छए करयल जाव निग्गच्छति, एवं खलु देवाणुप्पिया! विमलस्स अरहओ पउप्पए धम्मघोसे नामं अणगारे सेसं तंव जाव सो वि तहेव रहवरेणं निग्गच्छइ। धम्मकहा जहा केसिसामिस्स। सो वि तहेव अम्मापियरो आपुच्छा, नवरं धम्मघोसस्स अणगारस्स अंतिए मुंडे भवित्ता अगाराओं अणगारियं पवइत्तए, तहेव वृत्तपरिवुत्तया, नवरं इमाओ य ते जाया विउलरायकुलबालियाओ कला० सेसं तं घेव जाव ताहे अकामए चेव महब्बलं कुमारं एवं वयासी-तं इच्छामो ते जाया! एग दिवसमवि रज्जसिरि पासित्तए । तए णं से महब्बले कुमारे अम्मापियराण वयणमणुवत्तमाणे तुसिणीए संचिट्टइ, तएणं से घले राया कोडुंबियपुरिसे सद्दावेइ, एवं जहा सिवभहस्स तहेव रायाभिसेओ भाणियव्वो, जाव अभिसिंचति, करयलपरिग्गहियं० महब्बलं कुमारं जएणं विजएणं वद्धाति, वद्धावित्ता, जाव एवं वयासी-भण जाया! किं देमो, किं पयच्छामो सेसं जहा जमालिस्स तहेव जाव। तएणं से महब्बले अणगारे धम्मघोसस्स अणगारस्स अंतिए समाइयमाइयाई चोइसपुवाई अहिज्जइ, अहिजित्ता बहुहिं चउत्थ जाव विचित्तेहिं तवोकम्मेहिं अप्पाणं भावेमाणे बहपडिपुन्नाई दुवालस वासाइं सामन्न
શ્રી ભગવતી સૂત્ર: ૯
