________________
३४८
भगवतीसूत्र अहापडिरूवं जाव विहरइ, तं महाफलं खलु तहारूवाणं अरहताणं भगवंताणं नामगोयस्स जहा उववाइए जाव गहणयाए, तं गच्छामि णं समणं भगवं महावीरं वंदामि जाव पज्जुवासामि, एयं णं इहभवे य, परभवे य, जाव भविस्सइ तिकट्ठ एवं संपेहेइ, संपेहेत्ता, जेणेव तावसावसहे तेणेव उवागच्छइ, उवागच्छित्ता, तावसावसहं अणुप्पविसइ, अणुप्पविसित्ता सुबहुं लोहीलोहकडाहजाव किढिणसंकाइगंच गेण्हइ, गेण्हित्ता तावसावसहाओ पडिनिक्खमइ, पडिनिक्खमित्ता परिवडियविभंगे हत्थिणापुरं नयरं मझं मज्झेणं निग्गच्छइ, निग्गच्छित्ता, जेणेव सहसंबवणे उजाणे. जेणेव समणे भगवं महावीरं, तेणेव उवागच्छइ, उवागच्छित्ता समणं भगवं महावीरे तिक्खुत्तो आयाहिणपयाहिणं करेइ, करित्ता, वंदइ, नमसइ, वंदित्ता, नमंसित्ता, नच्चासन्ने, नाइदूरे जाव पंजलिउडे पज्जुवासइ। तएणं समणे भगवं महावीरे सिवस्स रायरिसिस्स तीसेय महइमहालियाए जाव आणाए आराहए भवइ। तएणं से सिवे रायरिसी समणस्स भगवओ महावीरस्स अंतिए धम्म सोच्या निसम्म, जहा खंदओ जाव उत्तरपुरत्थिमं दिसिभागं अवकमइ, अवक्कमेत्ता, सुबहुं लोहीलोहकडाह जाव किढिणसंकाइगं एगंते एडेइ, एडेत्ता सयमेव पंचमुट्ठियं लोयं करेइ, कारिता, समणं भगवं महावीरं एवं जहेव उसभदत्ते तहेव पव्वइओ, तहेव इक्कारसअंगाई अहिज्जइ, तहेव सवं जाव सवदुक्खप्पहीणे ॥सू०३॥
श्री. भगवती सूत्र : ८
