________________
२२०
भगवतीस्त्रे सेणं संखेज्जाई भवग्गहणाई, कालादेसेणं जहण्णेणं दो अंतोमुहुत्ता, उक्कोसेणं संखेज्जं कालं, एवइयं कालं सेवेज्जा एवइयं, कालं गतिरागतिं कज्जइ। एवं तेइंदिय जीवे, एवं चउरिदिय जीवे वि। सेणं भंते! उप्पलजीवे पंचिंदियतिरिक्खजोणिय जाव, पुणरवि उप्पलजीवे त्ति, पुच्छा, गोयमा! भवादेसेणं जहणणेणं दोभवग्गणाई, उक्कोसेणं अट्ठभवग्गहणाई कालादेसेणं जहण्णेणं दोअंतोमुहुत्ताई. उक्कोसेणं पुवकोडिपुडुत्ताई, एवइयं कालं सेवेज्जा, एवइयं कालं गतिमागतिं करेज्जा। एवं मणुस्सेण वि, समं जाव, एवइयं कालं गतिरागति करेज्जा २८। तेणं भंते ! जीवा किमाहारमाहात ? गोयमा! दबओ अगंतपएसियाई दव्वाइं, एवं जहा आहारुद्देसए। वणस्सइकाइयाणं आहारो तहेव जाव सव्वप्पणयाए, आहारमाहारेंति, नवरं नियमाछादसिं सेसं तंचेव २९। तेसिं णं भंते! जीवाणं केवइयं कालं ठिई पण्णत्ता ? गोयमा! जहणेणं अंतोमुहुत्तं, उक्कोसेणं दसवाससहस्साइं३० तेसिं णं भंते! जीवाणं कइसमुग्याया पण्णता? गोयमा! तओ समुग्घाया पण्णत्ता, तंजहा-वेयणासमुग्घाए, कषायसमुग्घाए, मारणंतियसमुग्घाए ३१। तेणं भंते ! जीवा मारणंतियसमुग्धाएणं किं समोहया मरंति, असमोहया मरंति? गोयमा! समोहयावि मरंति, असमोहयावि मरंति ३२॥ तेणं भंते ! जीवा अणंतरं उवट्टित्ता कहिं गच्छंति, कहिं उववज्जति?कि नेरइएसु उववज्जति, तिरिक्खजोणिएसु उववज्जति ? एवं
श्रीभगवतीसत्र: