________________
भगवतीसूत्रे ते विभेलगा तायत्तीसं सहाया गाहावइ समणोवासगा बलिस्स वइरोयणिदस्त वइरोयणरण्णो तायत्तीसगा देवा सेसं तं चेव जाव निच्चे अव्वोच्छित्तिणयट्टयाए, अन्ने चयंति, अन्ने उव. वजति, अत्थि णं भंते ! धरणस्स णागकुमारिंदस्स नागकुमाररणो तायत्तीसगा देवा तायत्तीसं सहाया ? हंता अस्थि । से केणटेणं जाव तायत्तीसगा देवा तायत्तीसंसहाया? गोयमा! धरणस्स नागकुमारिंदस्स नागकुमाररण्णो तायत्तीसगाणं देवाणं सासए नामधेजे पण्णत्ते, जंन कयाइ नासी जाव अन्ने चयंति, अन्ने उववज्जति । एवं भूयाणंदस्स वि, एवं जाव महाघोसस्त। अत्थिणं भंते! सकस देविंदस्स देवरणो पुच्छा, हंता अस्थि से केणटेणं जाव तायतासगा देवा? एवं खलु गोयमा ! तेणं कालेणं, तेणं समएणं, इहेव जंबुद्दीवे दीवे भारहे वासे पालासए नामं संनिवेसे होत्था वण्णओ, तत्थ णं पालासए सन्निवेसे तायत्तीसं सहाया गाहावई समणोवासया जहा चमरस्स जाव विहरांति, तए णं तायत्तीसं सहाया गाहावई समणोवासगा. पुट्विं पि, पच्छावि, उग्गा, उग्गविहारी, संविग्गा, संविगविहारी बहूई वासाई समणोवासगपरियागं पाउणित्ता, मासियाए संलेहणाए अत्ताणं झूसेइ, झुसित्ता सर्टि भत्ताई अण. सणाए छेदेति, छेदित्ता आलोइयपडिक्कता समाहिपत्ता कालमासे कालं किच्चा जाव उवयन्ना, जप्पभिई च णं भंते ! पालासिगा तायत्तीसं सहाया गाहावई समणोवासगा, सेसं
શ્રી ભગવતી સૂત્ર : ૯
