________________
५५४
भगवतीसूत्रे इंदियाई, जियं च पालेहि, समणधम्म जियविग्योऽवि य वसाहि तं देव ! सिद्धिमझे, णिहणाहि य रागदोसमल्ले, तवेण धितिधणियबद्धकच्छे मदाहि अट्टकम्मसत्तू झाणेणं उत्तमेणं सुक्केणं अप्पमत्तो हराहि आराहणपडागंच धीर ! तलोकरंगमज्झे पावय वितिमिरमणुत्तरं केवलं च गाणं गच्छय मोक्खं परं पदं जिणवरोवदिट्रेणं सिद्धिमग्गेणं अकुडिलेणं हंता परोसहचमूं अभिभवियगामकंटकोवसग्गाणं धम्मे ते अविग्धमत्थुत्तिकट्ठ अभिनंदतिय, अभिथुणतिय ! तएणं से जमाली खत्तियकुमारे नयणमाला सहस्सेहिं पिच्छिन्जमाणे पिच्छिज्जमाणे एवं जहा उववाइए कूणिओ जाव णिग्गच्छइ, णिग्गच्छित्ता जेणेव माहगकुंडग्गामे नयरे जेणेव बहुसालए चेइए तेणेव उवागच्छइ, उवागच्छित्ता छत्तादीए तित्थगरातिसए पासइ, पासित्ता पुरिससहस्सवाहिणी सीयं ठवेइ, ठवेत्ता पुरिससहस्सवाहिणीओ सीयाओ पच्चोरुहह । तएणं तं जमालिं खत्तियकुमारं अम्मापियरो पुरओ काउं जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो जाव नमंसित्ता एवं वयासी--एवं खल्लु भंते ! जमाली खत्तियकुमारे अम्हं एगे पुत्ते इट्टे कंते जाव किमंगपुण पासणयाए । से जहा नामए--उप्पलेइ वा, पउमेइ वा, जाव पउमसहस्तपत्तेइ वा, पंके जाए जले संवुड्डे, गोवलिप्पड़, पंकरएणं णोवलिप्पइ, जलरएणं, एवामेव, जमालीवि खत्तियकुमारे कामेहिं जाए भोगेहि
श्रीभगवती. सूत्र: ८
