________________
भगवती सोगभापवेयिंगमंगी नितेया दोणविमणवयणा, करयलमलि. ण्व कमलमाला, तक्खणओलुग्गदुब्बलसरीरलावन्नसुन्ननिच्छायागयसिरीया पसिढिलभूसणपडतखुण्णियसंचुन्निय धवलवलयपब्भ?उत्तरिजा मुच्छावसणटुचेयगुरूईसुकुमालविकिन्नकेसहत्था, परसुणियत्तवपगलया निवत्तमहेव इंद. लट्री विमुक्कसंधिबंधणा, कोट्टिमतलंसि धमत्ति सवंगेहिं संनिवडिया तपणं सा जमालिस्स खत्तियकुमारस्स माया ससंभमोयत्तियाए तुरियं कंचगभिंगारमुहविणिग्गयसीयलविमलजलधाराए परिसिंचमाणनिव्ववियगायलट्टी उक्खेवयतालियं ट वीयणगजणियवाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालि खत्तियकुमारं एवं वयासी-तुमंसि णं जाया ! अम्हं एगे पुत्ते इडे कंते, पिए, मणुन्ने, मणामे थेज्जे, वेसासिए, संमए, बहुमए, अणुमए, भंडकरंडगतमाणे रयणे रयणब्भूए जोविउसविए हिययानंदजणणे उंबरपुप्फमिव दुल्लभे सवणयाए, किमंग पुण पासणायाए ? तं जो खलु जाया ! अम्हेइच्छामो तुभं खणमविप्पओगं, तं अच्छाहि ताव जाया ! जाव ताव अम्हे जीवामो, तओ पच्छा अम्हेहिं कालगएहिं समाणेहिं परिणयवए वडिपकुलवंसतंतुकमि निरवयक्खे समणस्स भगवओ महावीरस्म अंतिए मुंडे भवित्ता आगाराओ अणगारियं पवइहिसि ।। सू० ५॥
श्रीभगवती. सूत्र: ८
