________________
प्रमेयपन्द्रिकाटीका श०९३०३३१०४ जमालिवक्तव्यनिरूपणम् ४०१ धरिजमाणेणं महया भडचडकरपहकरवंदपरिक्खित्ते खत्तिय कुंडग्गामं णयरं मज्झं मज्झेणं निग्गच्छइ निग्गच्छित्ता जेणेव माहणकुंडग्गामे नयरे जेणेव बहुसालए चेइए, तेणेव उवागच्छइ, उवागच्छित्ता तुरए निगिण्हेइ, निगिण्हित्ता रहं ठवेइ, ठवित्ता रहाओ पच्चोरुहइ, पच्चोरुहित्ता पुप्फतंबोला उहमाइयं वाहणाओ य विसज्जेइ, विसज्जित्ता एगसाडियं उत्तरासंगं करेइ, करित्ता अंजलिमउलियहत्थे जेणेव समणे भगवं. महावीरे, तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिणपयाहिणं करेइ, करित्ता, तिक्खुतो तिक्खुत्तो जाव तिविहाए पज्जुवासणाए पज्जुवासइ, तएणं समणे भगवं महावीरे जमालिस्स खत्तियकुमारस्स तीसेय महइमहालियाए इसिजाव धम्मकहा जाव परिसा पडिगया । तएणं से जमाली खत्तियकुमारे समणस्स भगवओ महावीरस्स अंतिए धम्म सोच्चा, निसम्म हट जाव उटाए उट्टेइ, उट्टाए उट्रित्ता समणं भगवं महावीरं तिक्खुत्तो जाव नमंसित्ता एवं वयासी-सदहामि णं भंते! निग्गंथं पावयणं, पत्तियामिणभंते ! निग्गंथं पावयणं रोएमि णं भंते ! निग्गंथं पावयणं अब्भुट्ठोमि णं भंते ! निग्गंथं पावयणं एवमेयं भंते ! तहमेयं भंते ! अवितहमयं भंते ! असंदिद्धमेयं भंते ! जाव से जहेयं तुब्भे वदह, जं नवरं देवाणुप्पिया ! अम्मापियरो आपुच्छामि, तए णं अहं देवाणुप्पियाणं अंतियं मुंडे भवित्ता अगाराओ अणगारियं पवयामि, अहासुहं देवाणुप्पिया ! मा पडिबंधं करेह ॥ सू० ४ ॥
भ०-५१
श्री. भगवती सूत्र : ८
