________________
भगवतीसरे उवासियाए वा केवलिपन्नत्तं धम्मं नो लभेजा सवणयाए, से तेणटेणं गोयमा! एवं वुच्चइ-तं चेव जाव नो लभेजा सवणयाए । असोच्चा णं भंते ! केवलिस्स वा जाव तप्पक्खियउवासियाए वा केवालं बोहिं बुज्झेजा ? गोयमा ! असोचा णं केवलिस्स वा जाव अत्थेगइए केवलं बोहिं बुझेजा, अत्थेगइए केवलं बोहिं णो वुज्झेजा। से केणट्रेणं भंते !जाव नो बुज्झेजा? गोयमा! जस्स णं दरिसणावरणिजाणं कम्माणं खओवसमे कडे भवइ, से णं असोचा केवलिस्स वा जाव केवलं बोहिं बुज्झेजा, जस्स णं दरिसणावरणिज्जाणं कम्माणं खओवसमे णो कडे भवइ, से णं असोच्चा केवलिस्स वा जाव केवलं बोहिं णो बुज्झेजा, से तेणटेणं जाव णो बुझेजा । असोच्चा णं भंते ! केवलिस्स वा जाव तप्पक्खियउवासियाए वा केवलं मुंडे भवित्ता, अगाराओ अणगारियं पञ्चएज्जा ? गोयमा ! असोच्चा णं केवलिस्स वा जाव उवासियाए वा अत्थेगइए केवलं मुंडे भवित्ता अगाराओ अणगारियं पवएज्जा अत्थेगइए केवलं मुंडे भवित्ता अगाराओ अणगारियं नो पवएज्जा ? से केणट्रेणं जाव नो पवएज्जा ? गोयमा ! जस्स णं धम्मंतराइयाणं कम्माणं खओवसमे कडे भवइ, से णं असोच्चा केवलिस्स वा जाव केवलं मुंडे भवित्ता अगाराओ अणगारियं पवएजा, जस्सणं धम्मंतराइयाणं कम्माणंखओवसमेनो कडे भवइ, से णं असोच्चा केवलिस्स वा जाव मुंडे भवित्ता जाव णो
શ્રી ભગવતી સૂત્ર : ૭
