________________
प्रमेयचन्द्रिका टी०० ८ ३०१० ज्ञानावरणीयादिकर्मणां सम्बन्धनिरूपणम् ५३५ जस्स णं भंते! मोहणिज्जं तस्स आउयं, जस्स आउयं तस्स मोहणिजं ? गोयमा ! जस्स मोहणिज्जं तस्स आउयं नियमा अस्थि, जस्स पुण आउयं तस्स पुण मोहणिजं सिय अस्थि, सिय नत्थि । एवं नामं, गोयं, अंतराइयं च भाणियवं ४ । जस्स णं भंते ! आउयं तस्स नामं, जस्स पुण नामं तस्स आउयं ? पुच्छा, गोयमा ! दो वि परोप्परं नियमा, एवं गोत्तेण वि समं भाणियव्वं । जस्स णं भंते ! आउयं, तस्स अंतराइयं, जस्स अंतराइयं, तस्स आउयं ? पुच्छा, गोयमा ! जस्स आउयं तस्स अंतराइयं सिय अस्थि, सिय नत्थि, जस्स पुण अंतराइयं तस्स आउयं नियमा ५ । जस्स णं भंते ! णामं तस्स गोयं, जस्स णं गोयं, तस्स णं नामं पुच्छा, गोयमा ! जस्स णं णामं, तस्स णं नियमा गोयं, जस्स णं गोयं तस्स नियमा णामं ? गोयमा ! दोषि एए परोपरं नियमा । जस्स णं भंते ! णामं तस्स अंतराइयं, जस्स अंतराइयं, तस्स णामं पुच्छा ? गोयमा ! जस्स णामं तस्स अंतराइयं सिय अस्थि, सिय नत्थि, जस्स पुण अंतराइयं तस्स णामं नियमा अस्थि ६ । जस्स णं भंते ! गोयं तस्स अंतराइयं, जस्स अंतराइयं तस्स गोयं पुच्छा ? गोयमा ! जस्स णं गोयं तस्स अंतराइयं सिय अत्थि, सिय नत्थि, जस्स पुण अंतराइयं तस्स गोयं नियमा अस्थि ॥ सू० ७ ॥
श्री भगवती सूत्र : ৩
