________________
५१२
भगवतीमत्रे केवलनाणी, अन्नाणी, मइअन्नाणी, सुयअन्नाणी, विभंगनाणी, एएसिं दसण्ह वि संचिटणा जहा कायट्टिईए, अंतरं सव्वं जहा जीवाभिगमे, अप्पाबहुगाणि तिन्नि जहा बहुवत्तवयाए । केवइया णं भंते ! आभिणिबोहियणाणपजवा पन्नत्ता ? गोयमा! अणंता आभिणिबोहियनाणपज्जवा पण्णत्ता । केवइया णं भंते! सुयनाणपजवा पण्णत्ता ? एवं चेव, एवं जाव केवलनाणस्स, एवं मइअन्नाणस्स, सुय अन्नाणस्स य, केयइया णं भंते ! विभंगनाणपजवा पण्णत्ता ? गोयमा ! अणंता विभंगनाणपज्जवा पण्णत्ता ? एएसि णं भंते ! आभिणिबोहियणाणपजवाणं, सुयनाणपज्जवाणं, ओहिनाणपज्जवाणं, मणपज्जवनाणपज्जवाणं, केवलनाणपजवाण य कयरे कयरेहितो जाव विसेसाहिया वा ? गोयमा ! सव्वत्थोवा मणपज्जवनाण पज्जवा, आहिनाणपज्जवा अणंतगुणा, सुयनाणपज्जवा अणंतगुणा, आभिणिबोहियनाणपजवा अणंतगुणा, केवलनाणपजवा अणंतगुणा, एएसि णं भंते! मइअण्णाणपजवाणं, सुयअन्नाणपजवाणं, विभंगनाणपज्जवाण य कयरे कयरेहितो जाव विसेसाहिया वा ? गोयमा! सव्वत्थोवा विभंगनाणपज्जवा, सुयअण्णाणपज्जवा अणंतगुणा, मइअन्नाणपज्जवा अणंतगुणा । एएसि णं भंते! आभिणिबोहियणाणपज्जवाणं, जाव केवलनाणपज्जवाणं, मइअन्नाणपज्जवाणं सुयअन्नाणपज्जवाणं, विभंगनाणपज्जवाण, य कयरे कयरेहितो
श्री. भगवती सूत्र :
