________________
३९२
भगवतीमूने नाणी, अन्नाणी ? गोयमा ! नाणी, नो अन्नाणी, अत्थेगइया दुन्नाणी, तिन्नि नाणाई चत्तारि नाणाई भयणाए । तस्स अलद्धिया णं भंते ! जीवा कि नाणी, अन्नाणी ? गोयमा! नाणी वि. अन्नाणी वि, जे नाणी ते नियमा एगनाणी केवलनाणी, जे अन्नाणी ते अत्थेगइया दुअन्नाणी, तिन्नि अन्नाणाई भयणाए । एवं सुयनाणलद्धिया वि । तस्स अलद्धिया वि जहा आभिणिबोहियनाणस्स अलद्धीया । ओहिनाणलद्धिया णं पुच्छा ? गोयमा! नाणी नो अन्नाणी, अत्थेगइथा तिन्नाणी, अत्थेगइया चउनाणी, जे तिण्णाणी ते आभिणिबोहियनाणी, सुयनाणी, ओहिणाणी, जे चउनाणी ते आभिणिवोहियनाणी, सुयनाणी, ओहिनाणी, मणपजवनाणी, तस्स अलछिया णं भते! जीवा किं नाणी, अन्नाणी ? गोयमा ! नाणी वि, अन्नाणी वि, एवं ओहिनाणवजाई चत्तारि नाणाई, तिन्नि अन्नाणाइं भयणाए मणपजवनाणलधिया णं पुच्छा ? गोयमा! नाणी, नो अन्नाणी, अत्थेगइया तिन्नाणी, अत्थेगइया चउनाणी, जे तिन्नाणी ते आभिणिबोहियनाणी, सुयनाणी, मणपज्जवनाणी, जे चउनाणी ते आभिणिबोहियनाणी, सुयनाणी, ओहिनाणी, मणपज्जवनाणी,तस्स अलद्धिया णं पुच्छा ? गोयमा ! णाणी वि, अन्नाणी वि, मणपज्जवणाण वजाइं चत्तारिणाणाई तिनि अन्नाणाई भयणाए, केवलनाणलद्धियाणं भंते ! जीवा किं नाणी, अन्नाणी? गोयमा! नाणी, नो अन्नाणी, नियमा
श्री. भगवती सूत्र :
