________________
३१०
भगवतीसूत्रे जहेव आभिणिबोहियनाणं तहेव नवरं एगट्टियवज्जं जाव नोइंदियधारणा, सेत्तं धारणा, सेत्तं मइअन्नाणे । से कि तं सुयअन्नाणे ? सुयअन्नाणे जं इमं अन्नाणिएहि, मिच्छदिट्टिएहिं जहा नंदीए जाव चत्तारि वेया संगोवंगा सेत्तं सुयअन्नाणे । से किं तं विमंगनाणे ? विभंगनाणे अणेगविहे पण्णत्ते, तं जहा-गामसंठिए, नगरसंठिए, जाव संनिवेससंठिए, दीवसंठिए,समुहसंठिए, वाससंठिए, वासहरसंठिए पञ्चयसंठिए, रुक्खसंठिए, थूभसंठिए, हयसंठिए, गयसंठिए, नरसंठिए. किंनरसंठिए, किंपुरिससंठिए महोरगगंधवसंठिए, उसभसंठिए, पसुपसयविहगवानरणाणासंठाणसंठिए पण्णत्ते। जीवा गंभंते? किं नाणी, अन्नाणी ? गोयमा! जीवा नाणी वि, अन्नाणी वि, जे नाणी ते अत्थेगइया दुन्नाणी, अत्थे गइया तिन्नाणी, अत्थे गइया चउनाणी, अत्थे गइया एगनाणी । जे दन्नाणो ते आभिणिबोहियनाणीय, सुयनाणी य। जे तिन्नाणी, ते आभिणिबोहियनाणी, सुयनाणी। ओहिनाणी, अहवा आभिणिबोहियनाणी, सुयनाणी, मणपजवनाणी, जे चउन्नाणी ते आभिणिबोहियनाणी, सुयनाणी, ओहिनाणी, मणपज्जवनाणी। जे एगनाणी ते नियमा केवलनाणी । जे अन्नाणी ते अत्थेगइया दुअन्नाणी, अत्थेगइया तिअन्नाणी । जे दुअन्नाणी ते मइअन्नाणी य, सुयअन्नाणी य । जे तियअन्नाणी ते मइअन्नाणी; सुयअन्नाणी, विभंगनाणी । सू. ४।
श्री. भगवती सूत्र :