________________
भगवतीसूत्रे कामा । जीवाणं भंते ! कामा, अजीवाणं कामा ? । गोयमा! जीवाणं कामा, णो अजीवाणं कामा। कइविहा णं भंते ! कामा पण्णत्ता ? गोयमा ! दुविहा कामा पण्णत्ता, तंजहासदा य, रूवा य । रूबी भंते ! भोगा, अरूवी भोगा? गोयमा! रूवी भोगा, णो अरूवी भोगा। सचित्ता भंते ! भोगा. अचित्ता भोगा ? गोयमा ! सचित्ता वि भोगा, अचित्ता वि भोगा। जीवा णं भंते ! भोगा? पुच्छा ? गोयमा ! जीवा वि भोगा, अजीवा वि भोगा। जीवाणं भंते ? भोगा, अजीवाणं भोगा ? गोयमा! जीवाणं भोगा, णो अजीवाणं भोगा ! कइविहाणं भंते! भोगा पण्णता? गोयमा ! तिविहा भोगा पण्णत्ता, तंजहां-गंधा, रसा, फासा । कइविहाणं भंते ! काम भोगा पण्णत्ता ? गोयमा ! पंचविहा कामभोगा पण्णत्ता, तंजहा-सदा, रूवा, गंधा, रसा, फासा। जीवा णं भंते ! कि कामी भोगी? गोयमा ! जीवा कामी वि, भोगी वि। से केणट्टेणं भंते ! एवं वुच्चइ-जीवा कामी वि भोगी वि? । गोयमा ! सोइंदिय-चखिदियाइं पडुच्च कामी, घाणिदिय-जिभिदियफासिंदियाइं पडुच्च भोगी, से तेणटेणं गोयमा ! जाव-भोगी वि। नेरइयाणं भंते ! किं कामी, भोगी ? एवं चेव, एवं असुरकुमारा जाव-णियकुमारा। पुढवीकाइयाणं पुच्छा ? गोयमा ! पुडवीकाइया णो कामी, भोगी। से केणटेणं जावभोगी? गोयमा फासिदियं पडुच्च, से तेणटेणं जाव भोगी।
શ્રી ભગવતી સૂત્ર : ૫