________________
भगवतीसूत्रे समुग्घाएणं समोहए, जे भविए असंखेज्जेसु पुढविकाइयावाससयसहस्सेसु, अण्णयरंसि वा पुढविकाइयावासंसि पुढवि काइयत्ताए उववजित्तए, सेणं भंते ! मंदरस्स पव्वयस्स पुरस्थि मेणं केवइयं गच्छेज्जा, केवइयं पाउणिज्जा ? गोयमा! लोयंत गच्छेजा, लोयंतं पाउणिज्जा ! सेणं भंते ! तत्थगए चेव आहारेज वा, परिणामेज वा, सरीरं वा बंधेजा ? गोयमा ! अत्थे गइए तत्थ गए चेव आहारेज्ज वा, परिणामेज्ज वा, सरीरं वा बंधेज्जा, अत्थे गइए तओ पडिनियत्तइ, परिनियत्तित्ता इहं हवं आगच्छइ, दोचं पि मारणंतियसमुग्घाएणं समोहणइ, समोहणित्ता मंदरस्स पव्वयस्स पुरस्थिमेणं अंगुलस्स असंखेज्जइभागमंतं वा, संखेज्जइभागमंतं वा, बालग्गं वा, बालग्गपुहुत्तं वा, एवं लिक्खं, जूयं जवमझं-अंगुलं जाव--जोयण कोडिं वा, जोयण कोडाकोडिं वा, संखेज्जेसु वा, असंखेज्जेसु वा जोयणसहस्सेसु लोगंते वा, एगपएसियं सेढिं मोत्तण असंखेजेसु पुढविक्काइयावाससयसहस्सेसु अण्णयरंसि पुढविकाइयावासंसि पुढविकाइयत्ताए उववज्जित्ता; तओपच्छा आहारेज्ज वा, परिणामेज्ज वा, सरीरं वा बंधेज्जा, जहा--पुरस्थिमेणं मंदरस्स पव्वयस्स आलावओ भणिओ, एवं दाहिणेणं, पञ्चस्थिमेणं, उत्तरेणं, उड्ढे, अहे । जहा-पुढविकाइया तहा-एगिदियाणं सवे सिं एकेकस्स छ आलावगा भाणियबा। जीवेणं भंते ! मारणंतियसमुग्घाएणं
ससय
શ્રી ભગવતી સૂત્ર : ૫
