________________
प्रमेयचन्द्रिका टीका श.३उ.६.१ मिथ्यादृष्टेरनगारस्य विकुर्वणानिरूपणम् ७१७ हंता, जाणइ पासइ, से भंते ! किं तहा भावं जाणइ, पासइ ! अन्नहा भावं जाणइ पासइ ! गोयमा ! णो तहाभाव जाणइ, पासइ, अण्णहा भावं जाणइ पासइ, से केण?णं भंते ! एवं वुच्चइ नो तहा भावं जाणइ, पासइ, अन्नहाभावं जाणइ, पासइ ! गोयमा ! तस्स णं एवं भवइ एवं खलु अहं रायगिहे नयरे समोहए, समोहणित्ता वाणारसीए नयरीए रूवाइं जाणामि, पासामि, सेसे दंसणे विवञ्चासे भवइ, से तेणटेणं जाव-पासइ, अणगारेणं भंते ! भावियप्पा माई, मिच्छदिट्ठी जाव-रायगिहे नयरे समोहए, समोहणित्ता वाणारसीए नयरोए रूवाइं जाणइ, पासइ ! हंता, जाणइ पासइ, तं चेव जाव-तस्स णं एवं हवइ एवं खलु अहं वाणारसीए नयरीए समोहए, समोहणित्ता रायगिहे नयरे रूवाइं जाणामि, पासामि, सेसेदंसणे विवञ्चासे भवइ, से तेणटेणं जाव-अन्नहा भावं जाणइ, पासइ; अणगारेणं भंते ! भावियप्पा माई, मिच्छदिट्टी वीरियलद्धीए; वेउविय लद्धीए विभंगणाण लडीए वाणारसी नयरिं, रायगिहं च नयरं अंतरा एगं महं जणवयवग्गं समोहए, समोहणित्ता वाणारसी नयरिं, रायगिहं च नयरं अंतरा एगं महंजणवयवग्गं जाणइ, पासइ ! हंता, जाणइ, पासइ ! से भंते ! किं तहाभावं जाणइ पासइ अण्णहाभावं जाणइ पासइ ! गोयमा ! णो तहाभावं जाणइ, पासइ, अन्नहाभावं जाणइ पासइ से केणटेणं जाव-पासइ ! गोयमा ! तस्स खलु एवं
શ્રી ભગવતી સૂત્ર : ૩
