________________
भगवतीमूत्रे भाविअप्पणो अयमेयारूवे विसये विसयमेत्ते बुइए, णो चेवणं संपत्तीए विउव्विसु वा, विउविति वा विउव्विस्संति वा एवं परिवाडीए णेयव्वं, जाव-संदमाणिया, से जहानामए केइ पुरिसे असि-चम्मपायं गहाय गच्छेज्जा, एवामेव अणगारे वि भाविअप्पा असि-चम्मपायहत्थ-किच गएणं अप्पाणेणं उड्ढं वेहायसं उप्पइज्जा ! हंता, उप्पइज्जा, अणगारे णं भंते! भावियप्पा केवइयाइं पभू, असि-चम्म-हत्थकिच्चगयाइं रूवाइं विउव्वित्तए ? गोयमा ! से जहानामए जुवई जुवाणे हत्थेणं हत्थे गेण्हेज्जा, तं चेव जाव-विउविंसु वा, विउव्वंति वा, विउविस्संति वा, से जहा नामए केइ पुरिसे एगओ पडागं काउं गच्छेज्जा, एवामेव अणगारे वि भावियप्पा एगओ पडागा हत्थकिच्चगएणं अप्पाणेणं उड्ढं वेहायसं उप्पएज्जा ! हंता, उप्पएजा, अणगारे णं भंते ! भावियप्पा केवइआइं पभू एगओ जण्णोवइअ किच्चगयाइं रूवाइं विकुवित्तए ! तंचेव जावविकुविसु वा, विकुवंति वा, विकुविस्संति वा, एवं दुहओजण्णो वइयं वि, से जहानामए केइ पुरिसे एगओ पल्हहत्थिअं काउं चि ट्रेजा, एवामेव अणगारे वि भाविअप्पा ? एवंचेव जावविकुविसु वा, विकुव्वंति वा, विकुहिस्संति वा, एवंदुहओ पल्ह हत्थि अंपि, से जहा नामए केइ पुरिसे एगओपलियंकं काउं चिट्ठज्जा! तं चेव जाव-विकुविसु वा, विकुवंति वा, विकुविस्संति वा, एवं दुहओ पलियकं पि ॥ सू० १ ॥
શ્રી ભગવતી સૂત્ર : ૩