________________
प्रमेयचन्द्रिका टी० श०२ २०५ २० १३ पापित्यीयविहारोत्तरनिरूपणम् ९१३
मूलम्-तएणं से भगवं गोयमे रायगिहे नयरे जाव अडमाणे बहुजण सदं निसामेइ, एवं खलु देवाणुप्पिया तुंगिया नयरीए बहिया पुप्फवइए चेइयाएपासावच्चिजा थेरा भगवंतो समणोवासएहिं इमाइं एयारूवाइं वागरणाइं पुच्छिया संजमेणं भंते ! किं फले तवेणं भंते ! किं फले. तएणं ते थेरा भगवंतो ते समणोवासए एवं वयासी संजमेणं अज्जो अणण्हय फले. तवे वोदाणफले, तं चेव जाव पुवतवणं, पुव्वसंजमेणं कम्मियाए सांगयाए अज्जो देवा देवलोएसु उववज्जंति. सच्चेणं एसमटे णो चेव णं आयभाववत्तव्वयाए, से-कहमेयं भंते! एवं ! तएणं समणे भगवं गोयमे इमीसे कहाए लद्धटे समाणे जाव सड्डे जाव समुप्पन्नकोउहल्ले अहापजत्तं समुदाणं गेण्हइ, गेण्हित्ता रायगिहाओ नयराओ पडिनिक्खमइ. पडिनिक्खमित्ता अतुरियं जाव सोहेमाणे जेणेव समणे भगवं महावीरे तेणेव उवागच्छइ, उवागच्छित्ता समणस्स भगवओ महावीरस्स अदूरसामंते गमणागमणाए, पडिक्कमइ एसणमणेसणं आलोएइ आलोइत्ता भत्तपाणं पडिदंसेइ. पडिदंसित्ता समणं भगवं महावीरं जाव एवं वयाप्ती-एवं खलु भंते ! अहं तुब्भेहिं अब्भणुन्नाए समाणे रायगिहे नयरे उच्चनीयमज्झिमाइं कुलाई घरसमुदाणस्स भिक्खाायरयाए अडमाणे बहुजणसदं णिसामेमि एवं खलु देवाणुप्पिया! तुंगियाए नयरीए बहिया पुप्फवईए चेइए पासावच्चिजा थेरा भगवंतो समणोवासएहिं इमाइं एयारूवाइं वागरणाई पुछिया, संजमेणं भंते ! किं फले
भ ११५
શ્રી ભગવતી સૂત્ર : ૨
