________________
प्रमैयचन्द्रिका टीका श० २ उ० १ सू० १५ स्कन्दकचरितनिरूपणम् ७०९ धम्मोवदेसए समणे भगवं महावीरे जिणे सुहत्थी विहरइ तावता मे सेयं कल्लं पाउप्पभायाए रयणीए फुल्लुप्पलकमलकोमलुम्मिलियम्मि अहापंडुरे पन्नाए, रत्तासोयप्पगासे किंसुयसुयमुहगुजद्धरागसरिस कमलागरसंडवोहए, उहियम्मि सूरे सहस्सरस्सिम्मि दिणयरे तेयसा जलंते समणं भगवं महावीरं वंदित्ता नमंसित्ता जाव पज्जुवासित्ता, समणेणं भगवया महावीरेणं अब्भणुण्णाए समाणे सयमेव पंचमहव्वयाइं आरोवेत्ता समणाय समणीओ य खामेत्ता तहारूवेहिं थेरेहि कड़ाईहिं सद्धिं विउलं पव्वयं सणियं सणियं दुरुहित्ता मेहघणसंनिगासं देवसन्निवायं पुढवीसिलापट्टयं परिलेहित्ता दब्भसंथारंग संथरित्ता दब्भसंथारोवगयरस संलेहणा झोसणा झूसियस्स भत्तपाणपडियाइक्खियस्स, पाओ. वगयस्स, कालं अणवकंखमाणस्स विहरित्तए तिकडु एवं संपेहेइ संपेहित्ता कल्लं पाउप्पभायाए रयणीए जाव जलंते जेणेव समणे भगवं महावीरे तेणेव जाव पज्जुवासइ खंदयाइ समणे भगवं महावीरे खंदयं अणगारं एवं वयासो से णणं खंदया, पु०बरत्तावरत्तकालसमयंसि, धम्मजागरियं जागरमाणस्स इमेयारूवे अज्झथिए जाव समुप्पज्जित्था, एवं खल अहं इमेणं एयारूवेणं तवणं ओरालणं विउलेणं तं चैव जाव कालं अणवकंखमाणस्स विहरित्तए तिकटु एवं संपेहेइ संपेहित्ता कल्लं पाउप्पभायाए जावजलंते जेणेव मम अंतिए तेणेव हव्वमागए से णूणं खंदया अहे समटे ? हता अस्थि अहासुहं देवाणुप्पिया मा पडिबन्धं करेह ॥सू०१५॥
छाया-तस्मिन्काले तस्मिन् समये राजगृहे नगरे समवसरणम् यावत् परि
શ્રી ભગવતી સૂત્ર : ૨
