________________
प्रमेयचन्द्रिकाटीका श.१ उ.३ सू०९ काढावेदनीयस्थोदीरणास्वरूपम् ५९९
एतावता प्रकरणेन कांक्षामोहनीयकर्मणो वेदनम् , सहेतुकं बन्धादिकं च प्रदर्शितम् , अतः परं कांक्षावेदनीयकर्मण उदीरणं तथोदीरणासंबन्धि वस्त्वन्तरं च कथयितुं प्रक्रमते--' से नूणं भंते' इत्यादि ।
मूलम्-से नूणं भंते ! अप्पणा चेव उदीरेइ, अप्पणा चेव गरहइ, अप्पणा चेव संवरेइ ?, हंता गोयमा ! अप्पणा चेव० तं चेव उच्चारेयव्वं। जंतं !भंते अप्पणा चेव उदीरेइ, अप्पणा चेव गरहइ, अप्पणा चेव संवरइ, तं किं उदिण्णं उदीरेइ अणुदिण्णं उदीरेइ, अनुदिण्णं उदीरणाभवियं कम्मं उदीरेइ, उदयाणंतरपच्छाकडं कम्मं उदीरेइ ? गोयमा! नो उदिण्णं उदी. रेइ, नो अनुदिण्णं उदीरेइ, अणुदिण्णं उदीरणाभवियं कम्म उदीरेइ, णो उदयाणंतरपच्छाकडं कम्मं उदीरेइ । जं तं भंते! अणुदिण्णं उदीरणाभवियं कम्मं उदीरेइ, तं किं उठाणेणं, कम्मेणं, बलेणं, वीरिएणं, पुरिसकारपरकमेणं अणुदिण्णं उदीरणा भवियं कम्मं उदीरेइ,उदाहु तं, अणुट्टाणेणं, अकम्मेणं अबलेणं, अवीरिएणं,अपुरिसकार परक्कमेणं अणुदिण्णं उदीरणाभवियं कम्मं उदीरेइ ?, गोयमा! तं उहाणेणवि,कम्मेणवि बलेणवि, वीरिएणवि, पुरिसक्कारपरिक्कमेणवि, अणुदिणं उदीरणाभवियं कम्म उदीरेइ, णो तं अणुट्टाणेणं अकम्मेणं, अबलेणं, अवीरिएणं, अपुरिसकारपरक्कमेणं अणुदिण्णं उदीरणाभवियं कम्म उदीरेइ, एवं सई अत्थि उट्ठाणेइ वा, कम्मेइ वा बलेइ वा, वीरिएइ वा, पुरिसकारपरिक्कमेइ वा । से नूणं भंते ! अप्पणा चेव उवसाइ, अप्पणा चेव गरहइ, अप्पणाचेव संवरेइ ? हंता गोयमा ! एत्थ वि तहेव भाणियवं, नवरं अणुदिण्णं उवसा.
શ્રી ભગવતી સૂત્ર : ૧
