________________
९१४
समवायाङ्गसूत्रे
जोयणसयबाहल्ले तिरियं जोइसविसए जोइसियाणं देवाणं असंखेजा जोइसियविमाणावासा पण्णत्ता, ते णं जोइसियविमाणावासा अब्भुग्गयमूसियपहसिया विविहमणिरयणभत्तिचित्ता वाउद्ध्यविजयवेजयंतीपडागछत्ताइछत्तकलिया तुंगा गगणतलमणुलिहंतसिहरा जालंतररयणपंजरुम्मिलियव्व मणिकणगथूभियागा वियसियसयपत्तपुंडरीय तिलयरयणद्धचंदचित्तो अंतो बाहिं च सण्हा तवणिजवालुआ पत्थडा सुहफासा सस्सिरीयरूवा पासाईया दरिसणिज्जा अभिरूवा पडिरूवा ।
केवइया णं भंते ! वेमाणियावासा पण्णत्ता ? गोयमा । इमीसे णं रयणष्पभाए पुढवीए बहुसमरमणिज्जाओ भूमिभागाओ उड्द चंदिमसूरियगहगणनक्खत्ततारारूवाणं वीइवइत्ता बहूणि जोयणाणि बहणि जोयणसयाणि बहणि जोयणसहस्साणि बहुणि जोयसयसहस्साणि बहुईओ जोयणकोडीओ बहुईओ जोयणकोडाकोडीओ असंखेज्जाओ जोयणकोडाकोडीओ उठें दूरं वीइवइत्ता एत्थ णं वेमाणियाणं देवाणं सोहम्मीसाण सणंकुमारमाहिंदबंभलंतगसुकसहस्सारआणयपाणय आरण अचुएसु गेवेजमणुत्तरेसु य चउरासीइं विमाणावाससयसहस्सा सत्ताणउइं च सहस्सा तेवीसं च विमाणो भवंतीतिमक्खाया। ते णं विमाणा अच्चिमालिप्पभा भासरासिवण्णाभा अरया नीरया णिम्मला विसुद्धा सव्वरयणामया अच्छो सण्हा घट्टा मटा णिप्पंका णिकंकडच्छाया सप्पभा समरीया सउज्जोया पासाईया दरिसणिज्जा अभिरूवा पडिरूवा। सोहम्मे णं भंते ! कष्पे केवइया विमाणावासा पण्णता ? गोयमा ! बत्तीसं विमाणावाससयसहस्सा पण्णत्ता । एवं ईसाणाइसु अट्ठावीसं बारस अट्ट चत्तारि एयाई
શ્રી સમવાયાંગ સૂત્ર
