________________
समवायाङ्गसूत्रे बोहिलाहा अंतकिरियाओ आघविजंति । दुहविवागेसु णं पाणाइवाय अलियवयणचोरिक्ककरण परदारमेहुणस संगयाए महातिव्वकसाय इंदियप्पमाय पावप्पओयअसुहज्झवसाणसंचियाणं कम्माणं पावगाणं पावअणुभागफलविवागा णिरयगइतिरिक्खजोणिबहुविहवसणसयपरंपरापबद्वाणं मणुयत्ते वि आगयाणं जहा पावकम्मसेसेण पावगा होति फलविवागा वहवसणविणासनासाकन्नुहंगुटुकरचरणन हच्छेयजिन्भछेयण अंजणकडग्गिदाहगयचलणमलणफालण उल्लवणसूललयालउड लट्टिभंजणतउसीसगतत्ततेलकलकल अहिसिंचण कुंभपाग कंपणथिरबंधणवेहवज्झकत्तणपइभयकरकरपल्लीवणाइदारुणाणि दुक्खाणि अणोवमाणि बहुविविहपरंपराणुबद्धा ण मुच्चंति पावकममवल्लीए । अवेयइत्ता हु णत्थि मोक्खो । तवेण धिइधणियबद्धकच्छेण सोहणं तस्स वावि हुज्जा । एत्तो य सुहविवागेसु णं सीलसंजमणियगुणतोवहाणेसु साहू सुविहिपसु अणुकंपासयप्पओगतिकालमइविसुद्ध भत्तपाणाई पययमणसाहिय सुहनीसयसतिव्वपरिणामनिच्छियमई पच्छऊणं पयोगसुद्धा जह य निव्बतेंति उबोहिलाभं । जह य परित्तीकरेंति नरनरयतिरिय सुरगमणविउलपरियह अरइभयविसाय सोगमिच्छत्तसेल संकडं अन्नाणतमंधयारं चिक्खिलसुदुत्तारं जरमरणजोणि संखुभियचक्कवालं सोलसकसाय सावयपयंडचंडं अणाइयं अणवदग्गं संसारसागरमिणं । जह य णिबंधंति आउगं सुरगसु जह य अणुभवंति सुरगणविमाणसोक्खाणि अणोवमाणि तओ य कालंतरे चुआणं इहेव नरलोगमागयाणं आउवपुवण्णरुवजाइकुल
८०८
શ્રી સમવાયાંગ સૂત્ર
