________________
स्थानाङ्गसूत्रे
पण्णता, तं जहा--इत्थीणं जाइकहा १, इत्थीणं कुलकहा २, इत्थीणं रूवकहा ३, इत्थीणं वत्थकहा ४ ॥२॥ भत्तकहा चउविहा पण्णत्ता, तं जहा--भत्तस्स आवावकहा १, भत्तस्त णिवावकहा २, भत्तस्स आरंभकहा ३, भत्तस्स णिटाणकहा ।।३। देसकहा चउबिहा पण्णत्ता, तं जहा-देसविहिकहा १, देसविकप्पकहा २, देसच्छंदकहा ३, देसणेवत्थकहा ४ ॥४॥
रायकहा चउव्विहा पण्णत्ता, तं जहा-रन्नो अइयाणकहा १, रन्नो निजाणकहा २, रन्नो बलवाहणकहा ३, रन्नो कोस. कोट्टागारकहा ४ । ॥ ५॥
चउव्विहा धम्मकहा पण्णत्ता,तं जहा--अक्खेवणी १, विक्खे. वणी २, संवेयणी ३, णिव्वेयणी ४ ॥१॥ अक्खेवणोकहा चउ. विहा पण्णत्ता, तं जहा -आयार अक्खेवणी १, ववहार अक्खेवणी २, पण्णत्ति अक्खेवणी ३, दिट्टिवाय अक्खेवणी ४ ॥२॥ विक्खेवणी कहा चउब्विहा पण्णत्ता, तं जहा--ससमयं कहेइ, ससमयं कहित्ता परसमयं कहेइ १, परसमयं कहित्ता ससमयं ठावायत्त भवइ २,सम्मावायं कहेइ, सम्भावायं कहित्ता मिच्छावायं कहेइ ३, मिच्छावायं कहित्ता सम्मावायं ठावइत्ता भवइ ४।३ । संवेयणी कहा चउविहा--पण्णत्ता, तं जहा--इहलोगसंवेयणी १, परलोगसंवेयणी २ आयसरीरसंवेयणी ३, परसरीरसंवेयणी ॥४॥
શ્રી સ્થાનાંગ સૂત્ર : ૦૨
