________________
स्थानाङ्गसूत्रे मूलम्-जंबूमंदरस्त पव्वयस्स उत्तरदाहिणेणं चुल्लहिमवंतसिहरीसु वासहरपवएसु दो महदहा पण्णत्ता बहुसमतुल्ला अविसेसमणाणत्ता अण्णमण्णं णाइवहति आयामविक्खंभोच्चतोवेहसंठाणपरिणाहेणं, तं जहा - पउमद्दहे चेव पुंडरीयदहे चेव । तत्थणं दो देवयाओ महिड्डियाओ जाव पलिओवमट्रिइयाओ परिवसंति, तं जहा-सिरी चेव लच्छी चेव । एवं महा महाहिमवंतरुप्पीसु वासहरपव्वएसु दो महदहा पण्णत्ता, बहुसम० जाव तं जहा महापउमदहे चेय महापोंडरीयबहे चेव । देवयाओ हिरी चेव बुद्धी चेव । एवं निसढनीलवंतेसु वासहरपचएसु तिगिछिद्दहे चेव केसरिदहे चेव । देवयाओ धिई चेव कित्ती चेव । जंबूमंदरस्त पव्वयस्स दाहिणेणं महाहिमवंताओ यासहरपव्वयाओ महापउमदहाओ दो महाणईओ पवहंति, तं जहा-रोहिया चेव हरिकंता चेव । एवं निसढाओ वासहरपव्वयाओ तिगिछिदहाओ दो महापईओ पवहंति, तं जहा-हरिच्चेव सीओआ चेव । जंबूमंदरस्स पवयस्स उत्तरेण नीलवंताओ वासहरपवयाओ केसरीदहाओ दो महाणईओ पवहंति, तं जहासीया चेव नारिकता चेव । एवं रुप्पीओ वासहरपवयाओ महापोंडरीयदहाओ दो महाणईओ पवहंति, तं जहा-णरकता चेय रुप्पकूला चेव । जंबूमंदरस्स पब्वयस्स दाहिणेणं भारहेवासे दो पवायदहा पण्णत्ता बहुसम० जाव तं जहा--गंगप्पयायदहे चेव सिंधुप्पवायदहे चेव । एवं हेमवएवासे दो पवायदहा पण्णत्ता,
શ્રી સ્થાનાંગ સૂત્ર : ૦૧
