________________
मर्मप्रकाशिका टीका श्रुतकंस्ध २ उ. १ रु. १ षष्ठ पात्रैषणाध्ययननिरूपणम् ७३९ पडिमा १, अहावरा दोच्चा पडिमा-से भिक्खू वा भिक्खुणी वा पेहाए पायं जाइज्जा, तं जहा-गाहावई वा जाव कम्मकरी वा से पुवामेव आलोइजा-आउसंतो! भगिणि! दाहिसि मे इत्तो अन्नयरं पायं तं जहा-अलाउयपायं वा दारुपायं वा मट्टियापायं वा, तहप्पगारं पायं सयं वा जाव पडिगाहिजा दुच्चा पडिमा २ अहावरा तच्चा पडिमासे भिक्खू वा भिक्खुणी वा से जं पुण पायं जाणिजा संगइयं वा वेजइयंतियं वा पायं, तहप्पगारं पायं सयं वा जाइज्जा, जाव पडिगाहिज्जा तच्चा पडिमा ३, अहावरा चउत्था पडिमा-से भिक्खू वा भिक्खुणी वा उझियधम्मियं जाएज्जा जावऽन्ने बहवे समणमाहणअतिहिकिवणवणीमगा जाव नावखंति, तहप्पगारं पायं जाएजा जाव पडिगाहिज्जा चउत्था पडिमा ४, इच्चेइयाणं चउण्हं पडिमाणं अन्नयरं पडिमं जहा-पिंडेसणाए, से णं एयाए एसणाए एसमाणं पासित्ता परो वइजाआउसंतो! समणा ! एज्जासि तुमं मासेण वा जहा वत्थेसणाए, से णं परो नेता वइज्जा-आउसोत्ति ! भगिणि ति! आहरेय पायं तिल्लेण वा घएण वा अभंगेत्ता वा तहेव सिणाणाइ तहेव, सीओदगकंदाई तहेव से णं परो णेया वएज्जा-आउसंतो! समणा ! मुहुत्तर्ग मुहुत्तगं अच्छाहि जाव ताव अम्हे असणं वा पाणं वा खाइमं वा साइमं वा उपकरेंसु वा उवक्खडेंसु वा तओ ते वयं आउसंतो समणा सपाणं सभोयणं पडिग्गहर्ग दाहामो, तुच्छए पडिग्गहए दिण्णे समणस्स णो सुट्ठ साहु भवइ से पुवामेव आलोइज्जा-आउसोत्ति वा, भगिणित्ति पा, णो खलु मे कप्पइ आहाकम्मिए असणे वा पाणे वा खाइमे वा साइमे वा भोत्तए वा पायए वा मा उकरेहि मा उवक्खडेहि, अभिकं. खसि मे दाउं एमेव दलयाहि, से सेवं वयंतस्स परो असणं वा पाणं या खाइमं वा साइमं वा उवकरित्ता, उवक्खडित्ता सपाणं सभोयणं पडिग्गहगं दलइजा, तहप्पगारं पडिग्गहगं अफासुयं जाव नो पडिगाहिजा,
श्री सागसूत्र :४
