________________
७३८
आचारांगसूत्र अथ पात्रैषणा नाम षष्ठम् अध्ययनम् मूलम्-से भिक्खू वा भिक्खुगी वा अभिकंखिजा पायं एसित्तए, से जं पुण पायं जाणिज्जा, तं जहा-अलाउयपायं वा दारुपायं वा मट्टियापायं वा, तहप्पगारं पायं जे निग्गंथे तणे जाव थिरसंघयणे से एगं पायं धारिज्जा, नो बिइयं, से भिक्खू वा भिक्खुणी वा परं अद्धजोयणमेराए पायपडियाए नो अभिसंधारिजा गमणाए, से भिक्खू वा भिक्खुणी वा से जं पुण अस्सि पडियाए एगं साहम्नियं समुदिस्स पाणाई भूयाइं जोवाइं सत्ताई जहा पिंडेसणाए चत्तारि आलावगा, पंचमे बहवे समणमाहण अतिहिकिवणवणीमगा पगणिय पगणिय तहेव, से भिक्खू वा भिक्खुणी वा से जं पुण जाणिज्जा असंजए भिक्खुपडियाए बहवे समणमाहणअतिहिकिवणवणीमगा वत्थेसणाऽऽलावओ, से भिक्खू वा भिक्खुगी वा से जाइं पुण पायाइं जाणिज्जा विरूवरुवाई महद्रणमुल्लाई, तं जहा-अयपायाणि वा तउपायाणि वा तंबपायाणि वा सीसगपायाणि वा हिरपणपायाणि वा सुवण्णपायाणि वा रीरिअपायाणि वा हारपुटपायाणि वा मणिकायकंसपायाणि वा संखसिंग. पायाणि वा दंतपायाणि वा चेलपायाणि वा सेलपायाणि वा चम्मपायाणि वा अन्नयराइं वा तहप्पगाराइं विरूवरूवाइं महद्धणमुल्लाई पायाइं अफासुयाइं जाव नो पडिगाहिज्जा, से भिक्खू वा भिक्खुणी वा से जाइं पुण पायाइं विरूवरूवाइं महद्धणबंधणाई, तं जहा-अयबंध. णाणि वा जाव चम्मबंधणाणि वा अन्नयराइं तहप्पगाराइं महद्धणबंध. णाणि अफासुयाइं जाव नो पडिगाहिज्जा, इच्चेयाइं आयतणाई उवाइक्म्म अह भिक्खू जाणिज्जा चउहि पडिमाहिं पायं एसित्तए, तत्थ खलु इमा पढमा पडिमा-से भिक्खू वा भिक्खुणी वा उदिसिय उद्दिसिय पायं जाइज्जा, तं जहा-अलाउयपायं वा दारुपायं वा मट्टियापायं वा तहप्पगारं पायं सयं वा णं जाइजा जाव पडिगाहिज्जा, पढमा
श्री. सायासंग सूत्र : ४