________________
१०४४
आचारांगसूत्रे
खत्तिय कुंडपुर संनिवेसस्स उत्तरपुरच्छिमे दिसीभाए तेणेव झत्तिवेगेण ओवइया, तओ णं सक्के देविंदे देवराया सणियं सणियं जाणत्रिमाणं पट्टवेति, सणियं सणियं जाणविमाणं पट्टवेत्ता सणियं सणियं जाणविमाणाओ पञ्च्चोरुहइ, सणियं सणियं एगंतमवक्कमइ, एगतमवक्कमित्ता महया वेव्विणं समुग्घा एणं समोहणइ, समोहणित्ता एवं महं नाणामणिकणगरयणभत्तिचित्तं सुभं चारु कंतरूवं देवच्छंद विउव्वाइ, तस्स णं देवच्छंद यस्स बहुमज्झदेसभाए एवं महं सपायपीढं नाणामणिकणगरयणभत्तिचित्तं सुभं चारुकंतरूवं सीहासणं विउव्वाइ, विउव्वित्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिणं पयाहिणं करेइ, आयाहिणं पयाहिणं करिता, समणं भगवं महावीरं वंदइ नमसइ, वंदित्ता नमसित्ता समणं भगवं महावीरं गहाय जेणेव देवच्छंदए तेणेव उवागच्छइ, सनियंसणियं पुरस्थाभिमुहं सीहासणे निसीयावेइ, सणियं सणियं निसोयावित्ता सयपागसयस्सपागेहिं तिल्लेहिं अब्भंगेर, गंधकासाईएहिं उल्लोलेइ, उल्लेलित्ता सुद्धोदएण मज्जावेइ मज्जावित्ता जस्स णं मुल्लं सयसहस्से पणं तिपडोलतित्तिए णं साहिएणं सीतेणं गोसीसरत्तचंदणेणं अणुलिंपड़, अनुलिपित्ता ईसिं निस्सासवा यत्रोज्झं वरनयर पट्टणुग्गयं कुसल - नरपसंसियं अस्सलाला पेलवं छेयारियकणगखइयंत कम्मं हंसलक्खणं पट्टजुयलं नियंसाइ, नियंसाबित्ता हारं अद्धहारं उरस्थं नेवत्थं एगावलिं पालंचसुतं पट्टमउडरयणमालाउ आविंधावे, आविधावित्ता गंधिमवेढिम पूरिमसंघाइमेणं मल्लेण कप्परुक्खमित्र समलंकरेइ, समलंकरित्ता दुच्चपि महया वेउव्वियसमुग्धाएणं समोहणइ, समोहणित्ता एवं महं चंदप्यहं सिवियं सहस्सवाहणियं विनंति तं जहा - ईहामिगउसमतुरगनरम करविहगवानरकुंजररुरुसरभ चमरसद्दूल सीहवणलयभत्तिचित्तलयविज्जाहरमिहुणजुयलजंतजोगजुत्तं अच्चीसहस्स मालिणीयं
શ્રી આચારાંગ સૂત્ર : ૪
