________________
- कल्प- स्तोत्रादि- सन्दोह ]
-[ २९ ]
रणाङ्गणे धीरमृगारिनादैः पलायमानाखिल भी रुलोके । जयं लभन्ते मनुजास्त्वदीयपदाब्जसेवाप्रथितप्रसादाः || १०३ ||
( युग्मम् )
उत्तालभूयः पवमानवेगादुल्लोलकल्लोलसहस्रभीष्मे | समुच्छलत्कच्छपनक्रचक्रसङ्घट्टनाभङ्गुरयानपात्रे
॥१०४॥
पतन्महाशैलशिलारवेण गलत्प्रमीलीकृतपद्मनाभे । श्रियं लभन्ते भवतः प्रभावात् सांयात्रिका वीतभियः पयोधौ ॥ १०५ ॥ ( युग्मम् ) जलोदरा दत्तदरा न जातु ज्वराः प्रशान्तप्रसरा भवन्ति । न पुष्टतां कुष्टरुजः प्रमेहा विदीर्णदेहा न समुद्भव ( वह ) न्ति
॥१०६॥ भगन्दरः प्राणहरः कथं स्यात् क्षणाद् व्रणानां क्षयमेति पीडा । ब्रूमः किमन्यत् तत्र नाममन्त्राद् रुजः समस्ता अपि यान्ति नाशम् ||१०७ || ( युग्मम् ) आपादकण्ठार्पितश्रृङ्खलौघा व्रणैर्विशीर्णाः प्रतिगात्र देशम् । व्यथावशेन क्षणमप्यशक्ता उच्छ्वासमुल्लासयितुं समन्तात् ॥ १०८॥ दशामवाप्ता भृशशोचनीयां विमुक्तरागा निजजीवितेऽपि । नरा जपन्तस्तव नाममन्त्रं क्षणाद् गलबन्धभया भवन्ति ॥ १०९ ॥ ( युग्मम् ) इत्यष्टभीतिदलनप्रथितप्रभावं नित्याववोधभरबुद्धसमग्रभावम् । विश्वातिशायिगुणरत्नसमूहधाम ! त्वामेव देव ! वयमीश्वरमा -
श्रयामः ॥ ११० ॥
