________________
[६]
-[शळेश्वर-महातीर्थमुइओ मुररिउ पडिमं व्हावइ घणसारघणघणरसेहिं । पूइअ परिमलबहलाचंदणचारुकुसुमेहिं ॥२५॥ पच्छागयगहदिन्नं सित्यं सिंचेइ सामिसलिलेणं । । जंतुवसग्गा विलयं विलयं जह जोगिचित्ताइं ॥२६॥ बहुदुहबहणं' निहणं पत्ते पञ्चद्धचक्कवट्टिमि । जाओ जयजयराओ जायवनिवनिबिडभडसिन्ने ॥२७॥ तत्थेव विजयठाणे निम्माविअमहिणवं जिणाएसा । संखउरनयरजुत्तं ठविऊणं पासपहुबिंबं
॥२८॥ पडिममिमं संगिव्हिअ निअनअरमुवागयस्स कण्हस्स । भूवेहिं वासुदेवत्तणाभिसेऊसवो विहिओ ॥२९॥ कण्हनरिंदेण तओ मणिकंचणरयणरइअपासाए । सत्तयवाससआई संठाविअ पूइआ पडिमा ॥३०॥ जाए जायवजाई पलए देवाउ दारवइदाहे। सामिपहावा देवालयंमि न हु पावगो लग्गो ॥३१॥ सद्धिं पुरीइ तइया जलनिहिणा रुइरमंदिरसमेओ। लोललहरीकरेहिं नाहो नीरंतरे नीओ ॥३२॥ तक्खयनागिंदेणं तइया रमणत्थमुरगरमणीहिं । तत्यागएण दिट्ठा पहुपडिमा पावनिद्दलणी ॥३३॥ पमुइअमणेण तत्तो नायवहृविहिअनट्टकलहडे । महया महेण महिआ जावऽसिई वाससहसाइं ॥३४॥
१ बहुदुहवणं, बहुदुहवढें । २ वाससयाई । ३ जावणजाई । ४ बहुपडिमा । ५ जाव सिवाह ।
