________________
[४]
- [ शर्केश्वर-महातीर्थसंकि (खि?)त्तसत्यनिक्खित्तचित्तवित्तीण धम्मिअजणाण । तोसकए तं कप्पं भणामि पासस्स लेसेण ॥३॥ भवभमणभेयणत्यं भविआ भवदुक्खभारभरिअंगा। एयं समासओ पुण पमणिज्जंतं मए सुणह ॥४॥ विजया जया य कमठो पउमावई-पासजक्ख-वइरुट्टा । धरणो विज्जादेवी सोलसहिहायगा जस्स ॥५॥ पडिमुष्पत्तिनियाणं कप्पे कलिअं वि नेह संकलिअं। एयस्स गोरवभया पढिहिइ न हु को इमं पच्छा ॥६॥ अह जलहिचुलुअमाणं करेइ तारयविमाणसंखं जो। पासजिणपडिममहिमं कहिउं न वि पारए सोऽवि ॥७॥ एसा पुराणपडिमा अणेगठाणेसु संठवेऊणं । खयरसुरनरवरेहिं महिआ उवसग्गसमणत्थं ॥८॥ तह वि हु जणमण निच्चलभावकए पाससामिपडिमाए । इंदाईकयमहिमं कित्तिअमेयाइ ता वुच्छं ॥९॥ सुरअसुरवंदिअपए सिरिमुणिसुव्वयदिणेसरे इत्थ । . भारहसरंमि भविअणकमलाई बोहयंतमि ॥१०॥ चंपाइ पुरवरीए एसा सिरिपाससामिणो पडिमा। . रयपायरोवकंठे जोईसरवनिआ आसि ॥११॥ सकस्स कत्तिअभवे सयसंखाभिग्गहा गया सिद्धिं । एआए झाणाओ वयगहणाणंतरं तइया ॥१२॥ सोहम्मवासवो तं पडिमामाहप्पमोहिणा मुणिउं । ..... अंचइ तत्थेव ठिअं महाविभूईइ दिव्वाए . ॥१३॥
