Page Text
________________
६ श्रीपद्मप्रभजिनस्तुतयः अथ श्रीपद्मप्रभाय विनतिः
पादद्वयी दलितपद्ममृदुः प्रमोदम्
उन्मुद्रतामरसदामलतान्तपात्री। पाद्मप्रभी प्रविदधातु सतां वितीर्णमुन्मुद्रतामरसदा मलतान्तपात्री ॥ २१ ॥
-वसन्ततिलका (८, ६)
टीका
पादद्वयीति । 'पादद्वयी। चरणद्वितयी । दलितपद्ममृदुः। विकसिताब्जकोमला । 'प्रमोदं ' आनन्दम् । 'उन्मुद्रतामरसदामलतान्तपात्री' उन्मुद्राणि-विकसितानि तामरसदामानि-कमलमाला लतान्तानि-कुसुमानि तेषां पात्री-भाजनं, अथवा उन्मुद्रतामरसदामान्येव लम्बत्वाल्लतास्तासामन्तपात्री-समीपभाजनम् । कदाचिद् उन्मुद्राणि-अपर्यन्तानि तामरसानि सुरनिर्मितानि रेखात्मकानि वा दयत इति उन्मुद्रतामरसदा, यदिवा उन्मुत्-उद्गतहर्ष यद् रतं तत्र आम:-प्रत्यग्रो यो रसोभिलाषस्तं द्यतीति उन्मुद्रतामरसदा। 'आमलतान्तपात्री' आमलता-रोगवल्ली तस्या अन्तो-विनाशस्तस्य पात्री-भाजनम् । पाद्मप्रभी' पद्मप्रभसंबन्धिनी। 'प्रविदधातु ' करोतु । ' सतां साधूनाम् । 'वितीर्णमुत् ' दत्तप्रीतिः। 'मुद्रतामरसदा' मुदा रता अमरसदा-सुरसभा यस्याः सा । 'मलतान्तपात्री' मलेन-कर्मणा तान्तान्-ग्लानान् पात्री-रक्षणशीला । पायप्रभी पादद्वयी प्रमोदं प्रविदधातु इति संबन्धः ॥२१॥
अवचूरिः पद्मप्रभसंबन्धिनी पाद्वयी प्रमोद प्रविदधातु । किंभूता। दलित विकसितं यदब्जं तद्वत् कोमला । उन्मुद्राणि विकसितानि तामरसदामानि कमलमाला लतान्तानि कुसुमानि तेषां पात्रीव पात्री भाजनम् । यद्वा उन्मुद्रतामरसदामान्येव लम्बत्वाल्लतास्तासामन्तपात्री समीपभाजनम् । सतां वितीर्णमुद्
प्रीतिः । मुदि मुदा वा रता अमरसदा देवसभा यस्याः सा। मलेन कर्मणा तान्तान् ग्लानान् पातीति मलतान्तपात्री ॥२१॥
अन्वयः दलित-पद्म-मृदुः, उन्मुद्र-तामरस-दामन्-लतान्त-पात्री [अथवा उन्मुद्र-तामरस-दामने लता-अन्त-पात्री, अथवा उन्मुद्र-तामरस-दा (अथवा उद् मुद्-त-आम-रस-दा)-आम-लता अन्त-पात्री ] सतां वितीर्ण-मुद्, मुद्-रत-अमर-सदा, मल-तान्त-पात्री [अथवा मलताअन्त-पात्री] पाझप्रभी पाद-द्वयी प्रमोद प्रविदधातु ।
| SR No. | 006285 |
| Book Title | Stuti Chaturvinshatika Sachitra |
| Original Sutra Author | N/A |
| Author | Hiralal R Kapadia |
| Publisher | Agmoday Samiti |
| Publication Year | 1926 |
| Total Pages | 478 |
| Language | Hindi |
| Classification | Book_Devnagari |
| File Size | 13 MB |