________________
तइओ सग्गो
जगम्मि' मण्णेति णरा विवाहं, कयं सया मंगलिअं य एगं । इमम्मि कालम्मि हुवेंति बद्धा, दुवे य पक्खा य परोपरम्मि ।।१।। कणीण जीओ समयम्मि अस्सि, हुवेइ चित्तं परिवट्टणं य । पराण गेहे किर सा पयाई, घरं चइत्ता पिउणो णिअस्स ।।२।। लहेइ णव्वा मणुआ तहिं सा, लहेइ वायावरणं णवीणं । इमा ठिई ताअ कये हुवेइ, सई हु पीला-जणणी तयाणि ॥३॥ परं ख पच्छा समयस्स किंचि, ठिई ण चिठेइ य सा य तत्थ । रमेइ वायावरणम्मि तम्मि, असंथुओ को अण होइ ताए ॥४॥
विवाहकालो य जया समीवे, समागओ दत्तसुआअ ताअ। कुणेइ दत्तो पउरं य सज्ज, जगम्मि कज्ज गुरुअं विवाहो ॥५॥ इमम्मि काले कढिणं य किच्चं, कणीण पाणिग्गहणं य अत्थि । पहा' सुदायस्स' गया पड्डि, समागयं जाअ फलं य कुच्छियं ॥६॥ महेइ को णो जणयो य दाउं, णिअं कुमारि य बलाणुरूवं । परं धणं णेति य मग्गिऊण, कणीण तायेण णरा इयाणि ॥७॥
इमा पहा जाव ण होई णट्ठा, कणी हुविस्सेइ य ताव भारो। अओ विणासेज्ज इमं य दुत्ति, अयं विआरो सयलाणमत्थि ॥८॥ दिणे विवाहस्स सुणिच्छियम्मि, समागये झत्ति कुणेइ दत्तो। णि य कण्णं य विहूसियं य, दुयं य ठावेइ य वाहणे तं ॥९॥ अणेगमच्चेहि समं गमेइ, कणि य घेत्तूण णिवस्स पासे । पदेइ भूवं इर वंदिऊण, णि कुमारि चिरपोसियं सो ॥१०॥ १. उपेन्द्रवज्रा छंद । २. प्रथा । ३. दहेजस्य (योतकं युतयोर्देयं सुदायो हरणं च तत्-अभिधानचिन्तामणि ३।१८४) ।
