________________
पाइप डिबिंबो
b
आइ तात्ति सम्मि गेहे, कुणेइ तेसिं इर सक्कई य । पुच्छेइ पच्छा य कहं भवंता, समागया भो ! णिलयम्मि मज्झ ।। ११।। का अस्थिसेव्वाय महं य जुग्गा, जओ भवंता अहुणात्थ आआ' । वाको वि अण्णो किर अस्थि हेऊ, फुडं कहेज्जा य ममं भवंता ।। १२ ।। सोऊण दत्तस्स इमं य वाणि, लवेंति ते आगमणस्स बीअं । भूवेण अम्हे इह पेसिआ य इमं इयाणि कहिऊण वायं ।।१३।। वांछेइ भूवो कुणिउं विवाहं, णिअस्स पुत्तस्स य सत्तरं ते । 'देवाइदत्त' त्ति सुआअ सद्धि, मणोरमा अत्थि य जा सुसीला || १४ |
७४
तुब्भं हुवेज्जा हि अयस्स कंखा, तयाणि पूरेज्ज णिवस्स वांछं । देक्खेइ तायो सययं सुआए, हिअंय चितं य कुणेइ ताए ।। १५ ।। ( तीहि विसेस )
तेसिं सुणेऊण इमं य वत्तं, हुवेइ दत्तो पमुओ मणम्मि । इत्थं य साहेइ तयाणि ता य, महं सुआ पुण्णवई हु अस्थि ।। १६ ।। जं मग्गणं ताअ कुणेइ भूवो, णिअस्स पुत्तस्स कये इयाणि । अण्णो वरो को य हुवेइ पेण, वरो य मज्भं तणुआअ लोगे ।। १७ ।।
(जुग्गं)
कण्णं णिअं तत्थ पिआ य दाउ, महेइ' सा जत्थ लहेज्ज सायं । पुत्ती जया होइय पीलिआ य, वच्चेइ दुक्खं पउरं य तायो ।। १८ ।।
तायस्स कायव्वमिमं य लोगे, सुअं णिअं देज्ज वरम्मि ठाणे । सायं सया जेण गमेज्ज जीओ, दुहं ण वच्चेज्ज कयाइ किंचि ।। १९ ।। पूसाइणंदी जुवरायरूवो, मणोहरो संतसहावधारी । धीरो कुलीणो खु जणपिओ य, वये सरिच्छो य सुयेण जुत्तो ॥ २० ॥ सो सव्वओ मज्झ सुआअ जुग्गो, ण संसओ अत्थ मणम्मि किंचि । वारिज्जयं" तेण समं कणीए, समुज्जओ हं सहसत्ति काउं ॥ २१ ॥
८. आगताः । ९. कांक्षति । १०. विवाहम् ( वारिज्जयं विवाहो- पाइयलच्छीनाममाला - ४०४)।
