________________
४८
पाइयपडिबिंबो सव्वं खमेज्जा तुह मज्झ दुक्कडं, पुव्वं मए जं विहियं तए समं । णिच्चं महप्पा मणसा खमें ति तं, जाएइ जो तेहि खमं य माणवो ॥२१॥
वत्तं इमं से सुणिऊण भूवई, जाओ दयल्लो पउरो य माणसे । देंतो सणेहं पिसुणेइ तं तया, चितं कुणेज्जा अण किंचि संपयं ।।२२।। सायं वसेज्जा इह मित्त ! संपयं, णो काइ पीला तुह अत्थ विज्जए। अप्पं सहावं परिवट्ट तुं परं, णिच्चं सहावो कुडिलो दुहप्पयो ॥२३॥
अंगीकयं तेण य तक्खणं तया, मित्तस्स भूवस्स इमं य भारइं। लोए सहावे परिवट्टणं परं, णिच्चं मणुस्साण कये य दुक्करं ॥२४॥ अग्गी सहावं णिययं चयेइ किं, णीरं सहावं णिययं जहाइ किं । सक्का सहावं चइउं तहेव णो, पाया हु लोयम्मि हवंति दुज्जणा ॥२५॥
चिठेइ सम्मं कइवाहवासरा, पासे कुमारस्स य सो य सज्जणो। होही तया तस्स दढा ठिई तया, कुव्वेइ किं पेच्छह भे य पाढगा ॥२६॥ पेसेइ तं कज्जवसा य सज्जणं, भूवस्स पासं कूमरो अणेगहा । इत्थं धरावेण समं य संथवो, जाओ तयाणि किर सज्जणस्स ।।२७।। भूवस्स चित्ते णियणेउणेण सो, गच्छेइ सिग्धं पउरं य पच्चअं । पुच्छेइ भूवो वियणम्मि एगया, पण्हं विचित्तं य इमं य सज्जणं ॥२८॥ जामायराणं मह को य विज्जए, वंसो कहेज्जा य फुडं य सत्तरं । भूवस्स वाणिं सुणिऊण मच्छरी, भासेइ इत्थं अलियं य सज्जणो ॥२९ हं अत्थि' पुत्तो णरवाहणस्स जो, राया इयाणि सिरिवासपत्तणे । तत्थेव भूवो ! दुहिआवई तुह, कुव्वेइ वासं अण अत्थ संसओ ॥३०॥ रूवेण चारू य अयं य दंसणे, णो सो कुलीणो य परं य विज्जए। णाई सुरूवो सुकुलस्स कारणं, रूवेण हूणा कुलजा य माणवा ॥३१॥
६. अत्थिस्त्यादिना (प्रा. व्या. ८।३।१४८) सूत्रेण 'अत्थि' इति भवति ।
