________________
पाइप डिबि
४२
तं त्तदाणं कुमरीअ दाउं, दुक्खं विणट्ठ य महं" कुणीअ । आजीविअं ते उवयारमेअं, हं वीसरेस्सामि कयावि गाई || ४५ ॥
अप्पेमि रज्जं वयणाणुरूवं, कण्णं सुरूवं णिअगं य देमि । घेत्तूण तं त्ति महाणुभावो, कुज्जा तुमं मे" य अणुग्गहं भो ! ।। ४६ ।। भूवस्स वाणि सुणिउं कुमारो, साहेइ रायं विषयी विवेगी । कंखेमि रज्जं कुमरि य णाई, कायव्वमप्पं परिपालियं मे ॥ ४७ ॥
कुव्वेज्ज पाणिग्गहणं कणीए, मच्चेण अण्णेण समं इयाणि । रज्जं य पालेउ सुहं भवं य, णो जुग्गया मे अहुणा इमेसि ॥ ४८ ॥
सोऊण वाणि कुमरस्स भूवो, जंपेइ लोअम्मि यसो य मूढो । गेहंगणे जो य समागयं य, हक्केइ लच्छि किर कामधेनुं ||४९||
दिट्ठ य जेणं रयणं णरेणं, वांछेइ किं सो उवलं कयावि । तुम्हारिसं हं लहिऊण मच्च, वम्फेमि” अण्णं सुविणे विणा ।। ५० ।।
अंगीकुणेज्जा सकिवं वयं मे, णाई विलंब अहुणा करेज्जा । दट्ठूण भूवस्स य अग्गहं णं, सिग्घं कुमारो य णमेइ किंचि ॥५१॥
दाऊण रज्जं कुमरस्स अद्धं, वारिज्जयं तेण समं कणीए । काऊण भूवो पउरं पमोयं, गच्छेइ चित्ते णिअगे तयाणि ।। ५२ ।
दिण्णं वयं भो ! परिपालिऊण, चित्तं महप्पाण य तोसमेइ । णीयस्स चित्तं य लहेइ दुक्खं, दिण्णं वयं भो ! परिपालिउं य ।। ५३ ।।
रज्जं लभत्ता विचयेइ णाई, धम्मं कुमारो सुहयं कयावि । पीअं य तोयं महुरं णईए, कि सो कया पाअइ सागरस्स ।।५४।।
इइ त यो सग्गो समत्तो
२१. मम । २२. मयि । २३. कांक्षामि ।
