________________
पाइयपडिबिंबो
चक्खणि ताए य मणोरमाइं, कम्मोदएणं अहुणा गयाइं। कम्म जहा भो ! मणुयो कुणेइ, लोए तहा तस्स फलं लहेइ ॥१०॥ ताए तिगिच्छं कुणिउं तयाणि, आमंतिया भूवइणा सुविज्जा। हूओ परं णो सहलो य को वि, कम्मस्स वत्ता भुवणे विचित्ता ॥११॥ अंते णिरासं पगएण तेण, उग्घोसिया दुत्ति इमा तयाणि । पुत्तीअ मज्झं णयणाणि जो य, सम्म करिस्सेइ णरो य ताणं ।।१२।। दाऊण रज्जं णिअगं य अड्ढं", वारिज्जयं तेण समं य दुत्ति। णूणं करिस्सामि अहं सुआए, णो संसओ किंचि वि अत्थ अत्थि ।।१३॥
(जुग्गं) वत्तं तयाणि सुणिऊण तस्स, पुच्छेइ तेसुं विहगो य एगो । किं एरिसो को कुसलो उवायो, सक्केइ दळु कुमरी य जेण ॥१४।। लोगे उवाया पउरा य संति, जोइं गयं सा य पुणो वि तेण । पारेइ लर्बु य परंण को वि, जाणेइ मच्चो अहुणा उवायं ॥१५॥
को विज्जए संपइ सो उवायो, कंखेमि गाउं अहयं इयाणि । बाहा य णाई जइ विज्जए का, सिग्धं लवेज्जा य भवं य मम्ह ।।१६।। भारंडपक्खी पिसुणेइ काउं, जिण्णासमेयं किर तस्स संतं । रुक्खस्स भो ! अस्स लयारसेसु, अम्हं य विट्ठा इर मेलवित्ता ।।१७।। लेवं कूणेज्जा जइ माणवो को, दक्खो य ताए णयणाण उडढं । जोई गयं सा य पुणो वि लछु, पारेइ अस्सि किर संसओ ण ।।१८।।
(जुग्गं) सारभूयं सो कहिऊण झत्ति, भारंडपक्खी पगओ य मोणं । भासेंति णाई अहियं पबुद्धा, अप्पेसु सद्देसु बहुल कहेंति ।।१९।। । वत्तं कुमारो सुणिऊण तस्स, चित्तम्मि चित्तं पगएण तेण । कज्जो पओगो पढम इमस्स, अप्पस्स उब्भे य विचिन्तियं य ॥२०॥
७. अर्द्धम् (प्रा. व्या. ८।२।४१) । ८. माम् । ९. उर्वे (प्रा. व्या. ८।२।५९)।
