________________
तइयो सग्गो
लद्धण' दुक्खं ण जहंति धम्म, ते के वि लोए विरला हवंति । पाया मणुस्सा लहिऊण दुक्खं, छड्डेति धम्म चिरसेवियं य ।१।।
आराहणिज्जो सययं णरेहि, लोअम्मि धम्मो सुहे दुहे य । धम्मस्स आराहणओ सुहम्मि, णिच्चं सुहं वड्ढइ माणवाणं ।।२।।
धम्मस्स आराहणओ दुहम्मि, दुक्खं सया णस्सइ माणवाणं । मेल्लेज्ज' धम्म ण अओ कयाइ, विस्सम्मि मच्चा सुहकंखिणो य ।।३।।
दुक्खं लभित्ता वि बहुं कुमारो, धम्म तयाणि वि जहेइ णाई। ठांऊण वच्छस्स य तस्स हेळं, झाहीअ मंतं परमेट्ठिरूवं ।।४।। संझाअ रुक्खस्सुवरि य तस्स, भारंडपक्खी कइवाह' तत्थ । आगम्म वत्तं य परोप्परं ते, कुव्वंति इत्थं य रहस्सपुण्णं ।।५।। वत्तं य ते किं अहुणा करेंति, चित्तं गयं सो कुमरो विवेगी। झाणेण सोउं य तया य लग्गो, भासं खगाणं य मुणेइ किं सो ।।।६॥ भासा णवीणा सइ सिक्खियव्वा, लोए णरेहिं जहिउँ पमायं । भासाण णाणं य हुवेइ तेणं, गूढा रहस्सा लहिउं समत्था ।।७।।
भारंडपक्खी पिसुणेइ एगो, अण्णे य वत्तं य इमं तयाणि । पाईदिसाए य इओ य एगा, चंपाभिहा अत्थि पुरी समिद्धा ।।८।। कुव्वेइ रज्जं य जियाइसत्तू-णामंकियो तत्थ णिवई दयल्लो। पुप्फावई सव्वगुणोववेया, एगा त्थि कण्णा य णिवस्स तस्स ।।९।।
१. छंद-इन्द्रवज्रा, लक्षण-स्यादिन्द्रवज्रा यदि तो जगौ गः २. त्यजेत् (मुचेश्छड्डा..प्रा. व्या. ८।४।९१)। ३. कतिपयः (डाह वौ कतिपये-प्रा. व्या. ८।१।२५०) । ४. आश्चर्यम् । ५. सदा । ६. हात्वा ।
