________________
३०.
पाइयपडिबिंबो
अग्गहं णिअगं झत्ति, चइत्ता अहुणा तुमं । अंगीकुणसु वाणि मे, सच्चा जा अत्थि संपयं ॥७४।। सुणिऊण वयं तस्स, साहेइ कुमरो तया । पुव्वं व्व सुदढो भाइ, वियारो संपयं महं ।।७।। सई" किंचि लहेऊण, अहम्मिओ पमोयए। अंते से परिणामो य, होइ सया दुहप्पयो ॥७६॥ सुणिअ वयणं तस्स, हसंतो सज्जणो तया । चवेइ कुमरं मित्त !, अत्थि दुरग्गही तुमं ।।७७॥ पुच्छित्ता वि सयग्गहं, छड्डेसि ण तुमं किर। णाई तुह समो मूढो, अण्णो लोयम्मि विज्जए ॥७॥ पालसु वयणं दिण्णं, दढधम्मी तुमं जइ। सुणित्ता भणिइं तस्स, लवेइ कुमरो तया ॥७९॥ पालइस्सामि णूणं हं, वयणं णत्थ संसओ। अहमो सो मणुस्सेसुं, पालेइ ण वयं णिअं ।।८०॥ इयाणि धम्मरक्खळं, दिण्णो तुह वयो मए । तयाणि पालणे तस्स, दुब्बलो ण मणो महं ॥८१॥ पासे जो वडवच्छो त्थि, तस्स हेळं य गच्छसु । सुणित्ता वयणं तस्स, हरिसेइ य सज्जणो ।।२।। णेत्ताइं तस्स णेउं य, उच्छुओ णस्स माणसो। मित्तो होऊण सत्तुव्व, समायरेइ संपयं ॥३॥ कुमारं सो ण हक्केइ, इत्थं काउं य संपइ । कुडिलहिअयो तस्स, वांछेइ अहियं सया ॥८४॥ दुज्जणेहि समं जे य, मेत्ति कुणेति संतयं । करेंति अणुतावं ते, पच्छा सहिअया णरा ॥५॥ अओ मेत्ति कूणेज्जा ण, दुज्जणेहिं समं कया ।
बुक्कणेहिं समं हंसो, मेत्ति काउं मइं गओ ॥८६॥ २१. सकृत् । २२. निषिध्यति (निषेधे हक्कः-प्रा. व्या. ८।४।१३४) ।