________________
पाइयपडिबिंबो सोऊण तस्स वाणिं, मम्मगब्भिणं हिअयवियारिणि य। कुमरो दाउं लग्गो, पुव्वं व५ सव्वेसिं दाणं ॥३४॥ लद्धण तेण दाणं, सव्वे वि जायगा पंफुल्लमणा । तं पसंसिउं लग्गा, चित्तं दाणस्स माहप्पं ।।३५।। सज्जणेण जया णायं, कुमरो पुव्वं पिव दाउं लग्गो। हिअयम्मि सो डहंतो, भूवइणो पासं समागओ ॥३६॥ णमिऊण तेण णिवइं, णिवेइया तस्स इमिआ य वत्ता। उल्लंघिय तुह आणं, कुमारो पुणो देइ दाणं ॥३७।। तस्स दाणेण रिक्को, होइ सणि सणि" रज्जकोसो। कालम्मि य किचि कुणसु, अण्णहा काहिइ हु पच्छातावं।।३।। सोच्चिअ होइ बुद्धिमं, अगणी-पज्जलणस्स पुरिमं च्चेअ । खणेइ णिअगभवणम्मि, सयराहं जलमयं कूवं ।।३९।। णिसम्म सज्जणवयणा", कुमारस्स पुणो दाणस्स वत्तं ।। णिअग-आएसभंगा, सिग्घं सो कुविओ जाओ ।।४०।। आमंतिअ तक्कालं, कुमारं तेण चविओ इमो वयो । कहं मझ णिद्देसो, इयाणि तए उल्लंघियो ॥४१।। अण किंचि वि सहिस्सामि, तुह इणं दुस्साहस हं कयावि । सो मूढो जो जाणिय, वि ण करेइ गयस्स चिइच्छं ।।४२।। कंखेसि सुहं वसिउं, जइ तं चएज्जा इयाणि दाणं । अण्णहा आइच्चस्स-समागमणस्स पुरिमं च्चेअ ॥४३।। सुवे चइऊण णयर, अण्णत्थ य गच्छसु तुम जहेच्छं । विज्जए मह सासणं, णत्थि अण्णो को वि उवायो ।।४४।।
(जुग्गं) १४. गभिताऽतिमुक्तके णः (प्रा. व्या. ८।१।२०८) । १५. मिव पिव विव व्व व विअ इवार्थे वा (प्रा. व्या. ८।२।१८२)। १६. रिक्तः । १७. शनैः शनैः (शनैः सो डिअम्-प्रा. व्या. ८।२।१६८) । १८. शीघ्रम् (सयराहं नवरिपाइयलच्छीनाममाला १७)। १९. वदनात् । २०. अण णाई नअर्थे (प्रा. व्या. ना२।१९०)।
