________________
पढमो सग्गो
मगलायरण
णमिऊणं तित्थयराण, सुगुरूणं चलणेसु य भत्तीए । रएमि पाइअगिराअ, ललियंगचरियं सुरुइरं ।। पुरा' सिरिवासणयरे, णिवसेइ णरवाहणणामणिवई । धम्मिओ सुद्धहिअयो, पयावच्छलो य जणप्पियो ॥१॥
पुत्तो तस्स विणीयो, पियभासी पियंकरो य समेसि । गंभीरो मिउहिअयो, धम्मी ये ललियंगकुमारो ॥२॥ दठूण कं वि दीणं, दयल्लमाणसो सो य तक्कालं । वित्तं दाऊण तस्स, कुणेइ णिच्चं सहजोगं य ॥३॥ सव्वे जायगा तस्स, पसंसं काऊण गया स-गेहे। को ण करेइ सलाह, दायारस्स मुत्तहत्थस्स ।।४।। तस्स इमिआ सलाहा, ण रोयए सज्जणणामस्स णरस्स। अत्थि जो तस्स मित्तो, वसेइ तम्मि च्चिअ णयरम्मि ॥५॥ णत्थि सलाहासवणं, भुवणम्मि परस्स संतयं सुयरं । णीया डहंति णिच्चं, परस्स सोऊण पसंसं य ॥६॥ कुमारो दाणं देइ, सइ दरिदा तेण इमिआ वत्ता । णिवेइया णिवईणं, मित्तकित्तिमसोउकामेण ॥७॥ धम्महियएण णिवेण, ण वत्ताअ उरिं झाणं दिण्णं ।
तया वि सो ण णिरासं, गओ मच्छरहियो सज्जणो ।।८।। १. आर्याछंद, लक्षण –यस्याः प्रथमे पादे, द्वादशमात्रास्तथा तृतीयेऽपि ।
अष्टादश द्वितीये, चतुर्थके पञ्चदश सार्या ॥ २. आर्याछंद । ३. सदा (इः सदादी वा-प्रा. व्या. ८।१।७२)।
