________________
पाइयपडिबिंबो
जया स तारुण्णं गओ, तया पसण्णमणेणं राएणं । विहिओ से वीवाहो', पंचसयबालाहिं सद्धि ।।८।। ताहि समं णिवसंतो, कुमारो पंकिले अरविन्दं विव । जवेइ' णिअगं कालं, धम्मपरायणहिअयो हु सो ॥९।। एगया य समागओ, तत्थ गामाणुगाम विहरतो। समणो भगवं वीरो, चरमतित्थयरो सविणेओ ।।१०।। ठाही णयरस्स बाहि, पुप्फकरंडगणामे उज्जाणे । सोऊण समागमणं, पहुणो कण्णाकण्णियाए ।।११।। दंसिउकामा मच्चा, गच्छन्ति तह तया अहमहमिआअ । गिहंगणे आआए, गंगाअ को हाउं णेच्छइ ।।१२।।
(जुग्गं) अदीणसत्तू राया, ससयणो गच्छइ दंसणं काउं। काऊण से दंसणं, मण्णइ सो अप्पणो' धणं ॥१३॥ देइ धम्मोवएस, तं विसालं परिसं तया भगवं । तं सोऊण भव्वा, गिण्हेंति जहाबलं णियमा ॥१४॥ सोच्चाणं उवएस, सुबाहुकुमारो विहुणो अंतिये । आगंतूणं इत्थं, णिवेयए णिअगं भावणं ।।१५।। णाइं अहं समत्थो, गहिउं अणगारधम्म इयाणि । भवाण पासम्मि भो ! कंखेमि अओ अगारधम्म गहिउं ।।१६।। सुणिआण से णं वयं, साहीअ दयालू भगवं वीरो। माइं कुण पडिबंधं, अहासुहं देवाणुप्पिया ! ॥१७।। भगवस्स पासे तया, दुवालसविहं इर अगारधम्म । घेत्तुआण कुमारो, अइच्छीअ णिअग-पासायं ॥१८॥
४. विवाहः (घवृद्धा-प्रा. व्या. ८।१।६८) इति सूत्रेण विवाहो, वीवाहो द्वौ भवतः। ५. यापयति (यापेर्जव.-प्रा. व्या ८।४।४०)। ६. स्वयं (स्वयमोऽर्थे अप्पणो न वा-प्रा. व्या. ८।२।२०९)। ७. अगमत् (गमेरई-अइच्छ...... प्रा. व्या. ८।४१६२) ।