________________
पाइयपडिबिंबो सव्वाण भावाण य णायगो य, सव्वेसि मच्चाण य तारगो य ।। पायारविंदो सुरपूइओ य, वीरो तयाणि चरमो जिणो य ॥५५।। सो आसि भो ! तत्थ विरायमाणो, सीसेहि सद्धि णयरीअ बाहिं । संगस्स लाहं भयवस्स भव्वा, मच्चा तयाणि पउरं लहेति ।।५६।।
(तीहिं विसेसगं) सीसो य तेसि पमुहो विणीओ, एगो तया गोयमणामधिज्जो। आयारदक्खो य सुएण जुत्तो, छठें य भत्तं य तवं कुणेइ ॥५७।। कम्माण णासो य तवेण होइ, अत्ताअ सुद्धी य तवेण होइ। रोआण णासो य तवेण होइ, वेल्लेज्ज मच्चा य तवम्मि णिच्चं ५८ छटस्स भत्तस्स य पारणाय, सो एगया तत्थ पूरि गमेइ । देवाइदत्तं इर दिण्णडंडं, पेच्छेइ चितेइ य माणसम्मि ।।५९।। इत्थी इमा का अहणा य अत्थि, कज्जं कडं किं अहम इमाए। दंडेति णं राय-णरा जओ य, कम्म विणा णो य फलस्स लाहो ॥६० पुच्छेइ सो कं मणुअं तयाणि, णारी इमा संपइ विज्जए का। कज्जं कयं किं य इमाअ दुळं, दंडेंति इत्थं य जओ इमे णं ॥६॥ सोऊण वाणि य इमं य तेसिं, भासेइ इत्थं मणुओ तया सो। पूसाइणंदिस्स णिवस्स राणी, इत्थी इयाणि इमिआ हु अत्थि ॥६२॥ रायस्स माया विहया इमाए, कामंधलत्तं लहिऊण दाणि । भूवेण कोवं पगएण दिण्णो, डंडो इमाए तुरिअं य इत्थं ॥६३॥ सोऊण से णं वयणं तयाणि, चित्ते विआरेइ य गोयमो य । णाए य पुवम्मि भवम्मि णूणं, एआरिसं किं विहिअं कुकम्मं ॥६४।। वेएइ सक्खं य जओ इयाणिं, हा! णारयेहिं सरिसं य पीलं । कम्म कडं णो मणुअं जहाइ, लोअम्मि णणं य विणा फलाइं ॥६५॥
(जुग्गं) चित्तम्मि इत्थं य विचितमाणो, भिक्खं य णेउं णयरिं गमेइ। घेत्तूण भिक्खं भयवस्स पासे, आगम्म इत्थं य णिवेयए सो ॥६६॥
१९. रमेरन् (रमेः संखुड्ड"..."वेल्ला:-प्रा. व्या. ८।४।१६८)।